Ég hef sparkað í hákarla

Lúðvík - Ég skal segja ykkur það krakkar mínir að þegar ég var ungur þá tók ég oft og mörgu sinnum um sporð hákarla og sveiflaði þeim í hringi. Ef þeir voru með einhvern derring þá sparkaði ég í þá og lék mér af þeim eins gullfiskum.

- Vinur hans - Þetta voru GÚBBAR en ekki hákarlar fíflið þitt?

Lúðvík -Ha gúbbar uuu nei Hákarlar

Vinur hans - Hvernig í andskotanum getur þú fengið það út- Þú hefur aldrei nokkurn tíman migið í saltan sjó.

Lúðvík - Sko annar - gúbbinn hét Hákarl Ingi og hinn gúbbin Jón Hákarl- 

Greip í sporðinn á hákarli og bjargaði stúlku

Ég ákvað að sviðsetja þessa frétt- Heimskasti þjófur Bretlands.

 

- nei komdu sæll granni

-Heyrðu ertu þetta ekki gluggatjöldinn sem voru í glugganum mínum

-Nei það getur ekki verið... hvernig færðu það eiginlega út

- Kannski vegna þú hefur aldrei verið með gluggatjöld og ert skyndilega komin með alveg eins gluggatjöld og var verið að stela frá mér.

Ó fyrirgefðu áttir þú þessi gluggatjöld ég vissi það ekki.. Ég bara sá þau hanga þarna og hélt að enginn ætti þau svo ég ákvað bara að taka þau. -  

Ertu HÁLFVITI þau voru inni í íbúðinni minni og uppi í glugganum -

 Hei slappaðu af maður- afhverju ertu að æsa þig svona.. Eins og ég sagði þá var þetta bara misskilningur-

 

 

 

Heimskasti þjófur Bretlands?

hér er mín tillaga að næsta texta við þjóðsöng okkar Íslendinga.

Íslenski þjóðsöngurinn.

Sigldu burt frá Noreigi- í villtum vígamóði
Þeir- Víkingar sem urðu okkar -fyrstu landnámsmenn
með- engilfögru kvenfólki -og írsku þrælastóði
Að íslandsströndum sigldu er- þeir námu land í denn

Hýrðust inn i torfkofum- um ótal margar aldir.
Angandi af hlandfýlu- á kafi í kindaskít
Skattpíndir og kúgaðir- af ýmsu konungsvaldi
Í kuldalegu allsleysi- með andlit næpuhvít

& Við komum öll af sauðsþjófum
við komum öll af þrælum
við erum framtíð rumpulýðs
okkar föðurlands

Af þroskaheptum ómögum- og hreppsfíflum þeir hlógu
Hæddu lausgirt fagurfljóð- og gjörðir afglapans
mygu yfir bókvitið- og börn til hlýðni slógu
Bölvuðu en framfylgdu- svo skipun kúgarans

Kotabændur þessa lands- og sérhver sveitahreppur
sultu nær úr volæði- við bágann þjóðarhag
Í -gegnum móðurharðindin- og margar djúpar kreppur
Miklu verra kvalræði- en það sem er í dag

 

 

Bara grín.....

Ég myrti mann-

hrópaði ég um torgin
meira til þess að skemmta mér
en út af skilanlegri ástæðu

Ég myrti mann-

Æpti ég af öllum mínum sálarkröftum

með flugbeittan hníf í hendinni

sem var ataður tómatssósu.

Ég myrti mann-

Heyrðist öðru hvoru í mér
þar til lögreglan kom á svæðið

og tók mig fastan.

Ég myrti mann-

Var það eina sem ég lét eftir mig í skýrslutökum.

Ég myrti mann-

Æpti ég til dómarans sem virtist ekki sama sinnis.

"Hvaða mann þá" spurði dómarinn til baka ?

Ég myrti mann-

Svaraði ég skellihlægjandi.
Málið var látið falla niður

á þeim forsendum að ég væri galinn

en í sannleika sagt... þá var ég bara að grínast.

Loftfiskurinn

Loftfiskurinn

Við götuljós á Laugavegi
loft-fiskurinn sveif
að- því sem hugann hreif
og hjartað áfram dreif
Er- hlýddi því sem tif þess honum sagði
brosti jafn við blíðunni

og- böðlum rauna hans

svikum samherjans
og- sverðum kvalarans
og- minnti mest á perlu on í flagði

þráði ekki úthöfin
og- ólgu ölduróts
hvorki fossa fljóts
né- fegurð sjávargrjóts
en- þess í stað hann þreifst á þurru landi
allt frá blautu barnsbeini
er- borgarljósin sá
fylltist frelsisþrá
að- fljúga um loftin blá
og- frá því ugga sína- til þess þandi

Í draumum sínum daðraði
við- dásamlega þrá
að- svífa sjónum frá
og- synda himni á
og- smám saman þá lærði hann að fljúga
til- götuljósa á Laugavegi
loffiskurinn flaug
með- gyltan geyslabaug
og- gullna hjartataug
og- skoðaði hinn íslenska almúga

stundum virtist augnalaus
því ekkert hann fékk
Á eiginn himni hékk
er- horfði á fólk sem gekk
grautpirrað á amstri tilverunnar
var- ástfanginn af Íslandi
og- einlagur sem barn
aldrei óbilgjarn
og- ísaður sem hjarn
með- fallegt bros- strekkt við báðar kynnar

það er erfitt að vera dýrðlingur.

 Það er erfitt að vera dýrðlingur - eins og þessi saga sýnir.

 

Dýrðlingurinn- Kæru bræður... Ég hef verið snortin af höndum ljóssins.

 

Vinur 1- uuu hvað ertu eiginlega að tala um ? 

 

Vinur 2- Já ég segi það sama - hvað...rakstu þig kannski í vegg ? 

 

 Dýrðlingurinn- Nei Kæru bræður- Sannlega segi ég ykkur að stund mín er runnin upp. Nú er draumurinn, sem lengi vel var aðeins óraunverulegur framtíðaróri að verða að blómi sem mun rísa upp til himna. Fold mín mun auðgast af gjöfulum ávöxtum og gola hamingjunar blása um veginn.

 

Vinur 2 -  Ég skil... þú ert sem sagt að fara að skrá þig í Garðyrkjuskóla Ríkisins ? 

 

Vinur 1- Ég væri til í að prufa þetta hass sem þú ert að reykja ?

 

Dýrðlingurinn - Sannlega segi ég ykkur Bræður- að ef þið fylgið mér- mun gæfan verða að veginum sem þið arkið og fögnuðurin varanlegt ástand. Líf ykkar mun fá raunverulegan tilgang og þið munuð þarfnast einskyns meira en helstu nauðsinjar.

 

Vinur 1- Ég segi nú frekar að ef þú ferð ekki að halda kjafti þá mun ég fylgja þér inn á KLEPP.

 

Vinur 2 - Já og ég mun sjá til þess að þú sleppir aldrei þaðan aftur. 

söngtexti...

Ég verð þér sem vögguvísa
vef þig faðmi- uns sofnar vært
Unaðsstund -  og englasöngur
allt sem er þér kært

Ég mun vekja þig upp
í morguns árið
er færi þér mat upp í rúm
Ég mun vekja þig upp
með hlýu brosi
Þó úti sé helkallt húm

Þú ert þreitt á fjaðrafoki
og fílahjörð úr mýflugum
Þú þarft hvíld undan því oki
og öllum áhyggjum

Ég mun vekja þig upp
og eiga með þér
glaðlinda morgunstund
Vekja þig upp
Sjá þig brosa
Sem fífill á grænni grund

 

Þú átt hvergi heima um niðdimma nótt
nema í föðmunum  mínum
því ég er þín gæfa og glaðlinda bros
og glampinn í augunum þínum.

Ég mun vekja þig upp
með mjúkum kossi
færa þér nýristað brauð
Ég mun vekja þig upp
og dekra við þig
Uns þú verður ellidauð


Mörgum kann að þykja rythmafallið furðulegt en það kemur til að sönglínan er óregluleg.

Fangelsi leiðindana.

Allir einstaklingar yfir 30 ára aldri eiga að vera foreldrar. Þeim ber að vinna myrkrana á milli og búa í grásteyptum helli sínum ásamt maka og börnum. Hver sá sem brýtur þessa reglu er refsað með svívirðilegum hætti. Honum stendur tvennt til boða,-annað hvort að verða barrotta eða sætta sig við félagslega einangrun í lifanda lífi.

Og hvort villt þú ? Spurði dómarinn mig hastarega. 

Ég held ég velji mér félagslega einangrun. Svaraði ég .

Samtstundis kom ósýnilegur fangavörður og hann járnaði á mér hendur og fætur. Hann breytti íbúðinni minni í fangaklefa og um leið og hann lokaði hurðinni sagði hann.

 "Sá sem hefur uppreisn gegn hundleiðindum hversdagsins og hyggst gera samfélagið skemmtilegra - skal samstundis mannorðsníddur og skikkjaður til þess að fara aftur í grámyglulega hlekki leiðindana. Og að endingu vil ég minna þig á það að það er bannað að brosa frá mánudegi til mánudags "

Hér er ég- Með járnsögina í hendinni og byrjaður að saga rimlana. Ég er búin að svæfa verðina með þeirra eigin leiðindum og hyggst flýja við fyrsta tækifæri. Spurningin er hvert og hvort fangaverðir leiðindana muni finna mig áður en dómurinn firnast út. 

Afhverju ég þoli ekki hasshausa.

 

Ég var að fá einhverja bestu viðskiptahugmynd allra tíma Marr

Og hvaða viðskiptahugmynd var það ?

hei hérna sko það sem ég var að spá í var.. hérna sko

uu hvað ?

Sko það sem ég var að pæla í var - hérna þú veist

Nei -

Hei chillaðu á því mar- Hugmyndin er sko svona - Þú veist ég ætla að - eða réttara sagt þá var ég að spá í - sko

 Heyrðu værir þú til í að æla sprokinu út úr þér ?

Bíddu um hvað vorum við aftur að tala um ?

Þú varst með Viðskiptahugmynd ?

Ha ég ? Nei nei nei nú ertu að ljúga- það er ekki satt.

 

 

 

Lykillinn að langlífi.

Aldrei nokkurn tímann tæki konan mín upp á því slá mig þéttingsfast í framan. Hún fengi ekki þá hugdettu að tala illa um mig eða lítillækka á almannafæri. Ég þarf ekki að sitja undir óþolandi aðfinnslum af hennar hálfu eða niðurlægjandi skítköstum. Ekki vegna þess að konan mín er svona himnesk og yndisleg heldur vegna þess.......... að ég á ekki neina.

 

 

DJÖFULSINS DURTURINN ÞINN... þú ert í ÓHREINUM SOKKUM

Eru dæmi um dólgsyrði sem ég hef ekki þurft að heyra í langan tíma,þökk sé kvenmansleysi mínu og er því ansi liklegt að ég verði langlífur og dánarorsök mín eitthvað annað en hjartaáfall. Það er ansi líklegt að ég muni lifa hamingjusamur og sáttur út í lífið og tilveruna nema, ég tæki upp á þeim óskundan að fara að finna mér kærustu. 

 

Slær NBA-stjörnu