Þetta er ekkert krassandi- Sólgos ? PIFF ég vil sólsprengingu frekar.

Það er komið að heimsendi. Loksins getum við sleppt af okkur beislinu og farið ránsferðir um 10-11 verslanir eða mögulega sprengt upp lögreglubíla því að á morgun verður enginn morgundagur. Ekkert líf aðeins dauði og þá fyrst fá hinir trúuðu og trúlausu staðfestingu á því hvort það sé framhaldslíf eftir dauðann.

Eða nei bíddu nú við, Ég er að ljúga. Á morgun verður morgundagur - enda hefur komið á daginn að allar dómsdagsspár hafa verið á hræðsluáróðri byggðar. Okkur stendur því ekki til boða að gera annað en það sem við þurfum að gera til að komast af. Við verðum að takast á við okkar hversdagslega vanda, ella tekur þessi hversdagslegi vandi okkur í rassgatið. Ef við virkilega viljum heimsendi verðum ivð að vonast næst efir einhverju alvöru eins og t.d Sólsprenginu í stað sólgoss. 

Ekki meiri gammageislun við sólgosið

Frumvarp á hinu Íslenska alþingi.

Hæstvirtur forseti.

 

Þar sem umræðan í þessum þingsal mun aldrei verða á málefnalega háu stigi og ekki einn einasti möguleiki að ræða hlutina á rökfræðilegum nótum, legg ég til að við kljáumst framvegis með íslenskri bændaglímu eða hreinum og beinum hnefalögmálum.

Þessi samfelldu framíköll eru þess valdandi að ég fæ ekki lengur tækifæri til þess að setja fram eina heilstæða settningu án þess að vera truflaður og er mér nóg boðið. Það hafa skapast fordæmi fyrir slíku hnefatali víðsvegar út um allan heim og nú síðast á Indverska þinginu svo því ekki að gera slíkt hið sama hér ? vissulega myndi slíkt kosta marbletti hér og þar um skrokkinn en það sem kemur á móti er að andrúmsloftið myndi hreinsast og þingmenn gætu losað  um gremju sína sem er orðin mun meiri en góðu hófi gegnir.

Framí kall úr þingsal- -HEI TIL ER ÉG

-Æi Þegiðu Árni! Þér ætti að vera ljóst að ég var bara að grínast.

 

 

 

Þingmenn vopnaðir skóm og blómapottum

Ég get ekki verið í tíma lengur.

Mér er minnisstætt atvik sem átti sér stað í Flensborg, nánar tiltekið í enskutíma. Sú sem kenndi í þessum tíma var í geðstyrð járngribba og hún stjórnaði nemandaskrílnum með rafmögnum gaddavírsaga. hún var gjörn á að refsa nemendum fyrir óæskilega hegðun og lagði mikla áherslu á að við lærðum það sem fyrir okkur var lagt.

Í þessum tíma sat maður sem átti síðar meir eftir að verða þjóðkunnur leikari. Hann var hrekkjusvín að eðlisfari og allt í einu tók hann upp á því að senda mér bréf.

Þú færð fimm stig ef þú segir við kennarann að þú getir ekki verið lengur í tíma því þú ert búinn að skíta í buxunar.  - Stóð í bréfinu.

Verðandi leikarinn hélt niðri í sér hlátrinum á meðan ég las pappírsstrimilinn. Hann beið fullur tilhlökkunar og var ekki alveg viss;hvort ég myndi gugna eða láta slag standa.

 

Heyrðu ég get ekki verið í tímanum lengur

Sagði ég skyndilega með vælukenndum rómi.

 

Nú gætir þú útskýrt fyrir mér út af hverju

Spurði kennarinn alvörugefinn leiðindarsvip framan í smettinu. 

 

Vegna þess að ég er búinn að kúka í buxurnar. 

 

 Hver einasti einstaklingur sem var þarna inni trylltist úr hlátri- allir nema kennarinn sem fanst þetta athæfi eins fjarri því að vera hlægilegt og hugsast getur. Hann refsaði bekknum með því að hleypa ekki neinum á klósettið það sem eftir lifði tímans og var einn nærri búinn að míg á sig vegna þess- því hann var þegar komin í spreng og nú með hláturskrampa í ofan á lag.

 

Endir. 

 

Kærð fyrir að teikna kanínur

Bylgja Pálsdóttir- Skapofsakerling.

Bylgja- skapheita- Pálsdóttir tók upp upp á því að ganga yfir þvera og endilanga Evrópu og breyta brúðkaupsferðinni sinni í bakpokaferðalag. Hún hefur verið eld-örg í skapi frá því að hún lenti í orðaskaki við sinn heitt hataða eiginmann og hefur ekki náð sér síðan þá. Þau voru stödd á brúnum Toyjota bílaleigubíl við eitt af óteljandi torgum Rómar, þegar þau keyrðu framhjá óvenju rassastórri styttu og hvu maðurinn hennar þá hafa sagt.

 

    - Svona verður þú elskan ef þú ætlar að leggjast í að japla ís alla ferðina.

 Við þennan saklausa aulahúmor- hitnaði Bylgju mjög í hamsi og hefur ekki náð sér niður síðan þá. Hún skipaði manninum sínum að stöðva bílinn og strunsaði út. Meira að segja blóðheitustu Ítalarnir eru eins og fermingadrengir í samanburði við þennan íslenska kerlingaskörung enda er þessi púðurtunna sem kjarnorkusprengja um þessar mundir og virðist fjarri því að róast niður.

Hitabylgja í Róm

Hversdagslegt kynslóðastríð í einni af sundlaugum borgarinnar.

Sundlaugaferðin í morgun var erfiðari en gengur og gerist. Hún byrjaði á því að ungur maður tók af mér skápinn minn og þurfti ég því að afklæða mig á öðrum stað en ég var vanur.

     -Ef ég væri 40 árum yngri-

 

hugsaði ég með mér og margkýldi ég unga manninn í huganum. Ég gaf drengskvikindinu ilskulegt hornauga og var skapi næst að veita honum þéttingsfast spark í hreðjarnar.
Ergingurinn rann enn þá í mér er ég stakk höfðinu undir sömu sturtuna og ég var vanur að baða mér í. Ég gekk upp að sápudælunni eftir að hafa bleytt líkamann - en þegar ég kom til baka, þá var sama ungmennið komið undir sturtuna mína og hafði tekið af mér skápinn. Þolinmæðin brast þá endanlega og ég missti stjórn á bræði minni.

      -ÞÚ ERT Í STURTUNNI MINNI –

 

Gargaði ég á ungmennið . Ég starði til hans með grimdarlegum svipbrigðum og kreppti báða hnefa af alefli.

     Afhverju ferðu ekki næstu sturtu við hliðina á ?

 

Spurði hann og horfði til mín eins og ég væri mesta fífl sem hann hafði nokkurn tíman augum litið.

-    VEGNA ÞESS AÐ ÞETTA ER STURTAN MÍN-

Útskýrði ég fyrir honum öskrandi af reiði

.
-    Nú ég hélt að þessi sturta væri í eigu borgarinnar

Illa uppalið ungstóðið glotti við tönn og datt ekki í hug að færa sig til hliðar. Hann stóð fastur á ósanngjörnum rétti sínum og virtist ergingur minn gleðja hann óstjórnlega mikið.

-    Þetta er alltaf sama sagan með ykkur helvítis fuglana…. ÞIÐ HLÝÐIÐ ALDREI NEINU. Æpti ég á hann.

 

Ungi maðurinn valdi sér þögn sem svar og hristi höfuðið. Hann fór að þvo sér þeim mun hægar en áður og Það var greinilegt að hann ætlaði ekki að gefa þumlung eftir í þessu hversdagsstríði á milli okkar
Ég varð því að gefa þetta baráttumál mitt eftir og fór í næstu sturtu við hliðina á honum. Kreppusvipurinn ílengdist á andlitinu mínu og tápsárnin sveið innan í mér.
Skyndilega fóru atburðir að snúast mér í vil í þessum deilum á milli mín og drengsins. Ungi maðurinn tók upp á því að fara í átt sápudælunni og var ég ekki lengi að nýta mér tækifærið. Ég stakk mér undir sturtuna sem við vorum að bítast um og þegar drengurinn snéri sér að mér – glotti ég til hans sigri hrósandi.

     -Láttu þetta þér að kenningu verða –

 

Sagði ég við hann og fór ekki úr sturtunni fyrr en drengsófétið hafði farið til laugarinnar. Ég brosti mínu breiðasta sigurbrosi og naut steypubaðsins miklu betur en venjulega. Mér fanst réttlætinu vera fullnægt og deginum vera endanlega bjargað.

 

 

ENDIR

Kemur sér ekki vel fyrir slána

Það hefur verið hönnuð ný matarkarfa. Hún er sniðin handa fólki sem er undir 160 cm og er einstaklega hentug fyrir þá sem vilja einbeita sér af vörum sem eru neðanlega í rekkum matvörubúða. Matakarfan kemur sér vel fyrir litla manninn í samfélaginu en hefur reynst körfuboltaslánum erfiðari viðfangs. 

 

 Ég fæ bara í bakið bara vil tilhugsunina

 

Sagði tveggja metra hár karlmaður sem finnst sorglegt að vita til þess að matakarfan komi til með að lækka enn frekar á komandi tímum.  Hann hefur ákveðið að efna til mótmæla fyrir framan stjórnarráðið í dag þar sem hann krefst þessi að matarkarfan hækki aftur á ný. Skrokkur hans þoli ekki meira og hefur hann fengið til liðs við sig - hinn gamalkunna fjanda- Verðbólgudrauginn- Sem stiður hann með ráði og dáð-í þessari fámennu kröfugöngu sinni. 

 

Matarkarfan á að lækka

Orrusta daganna.

Viskan er mín hægri hönd
Hugrekkið minn andans styrkur
Er ég sé við sjónarrönd
Sælutíð í nánd
Undurfögur óskalönd
Upplýsa mitt niðamyrkur
Leysi af mér- öll mín bönd
Og yfirstíg hvern þránd

Hestum mínum hleypi brátt á skeið
Held af stað á mína sigurreið

Hef orrustu daganna
Hef orrustu daganna
Stefni til sigurs hvert sinn

Hugga eigin harmagrát
Hjálpa mér úr mínum vanda
Laus við heift og fálmkennt fát
Fylginn sjálfum mér
Forðast hvorki fyrirsát
Né- Fjandmenn – sem mér vilja granda
Drýgi hverja gjörð af gát
Er gæfubrautir fer

Óttalaus ég hildi mína hef
Hjartað mitt til baráttunnar gef.

Hef orrustu daganna
Hef orrustu daganna
Stefni til sigurs hvert sinn

Skemmtilegt símtal.

-Komdu sæl frænka, ég heiti Brynjar, mannstu eftir mér ?

Sagði ég við 5 ára gamla dóttur bróðurs míns er hún svaraði símanum.
-Já- svaraði hún.
-Er faðir þinn við ?

Spurði spurði ég hana þá.
- Hann er ekki inni- Svaraði hún.
- Nú jæja- en veistu nokkuð hvar hann er ?
- Já – 

-    Og hvar er hann ?
-    Hann er úti –

Svaraði hún mér þá og kvaddi mig síðan stuttu síðar. 

Hún var of sexy - fögur- gáfuð fyrir mig.

Innblásturinn í þennan engil-einlæga söngtexta voru þrasræður sem ég átti við konu sem ég kynntist eilítið í denntíð. Ekki fékk ég einasta tækifæri til að komast að í þessum "orðahildi" okkar og endaði hann með þeim hætti að hún hún sagði við mig þessi hugljúfu orð.

 

-Sættu þig bara við það að ég er miklu gáfaðari, fallegri og skemmtilegri en þú .

 

Þökk sé þessum blíðmæltu orðum kom skáldgyðjan yfir mig og ól með mér þennan texta. Mikið er ég kvendinu þakklátur-enda var fyrir löngu komin tími til þess að ég skrásetti þessa upplifun mína. Ég hafði nefnilega lent í svona manneskjum nokkrum sinnum áður þó mannfyrirlitning konunnar var ögn auðsjáanlegri en ég hafði upplifað áður.

 

 

 

Hún var of sexy. 

 
Daman hún fylltist af hatrammri heift og vangan vegna misskilnings hún sló
Viðræðum okkar hún snéri á hvolf og æru mína ítrekað munnhjó
Fúksyrðin þau féllu eins
og funheitt steypiregn- er rangtúlkaði orð mín út í eitt
Fannst ég vera flaggberi
Þess- fárs sem ég var gegn

Hún var of sexy-fögur- gáfuð fyrir mig-
Var of of menntuð- fáguð-  með-hærra þroskastig
Hún var of- vinsæl- listræn- víðlesnari en ég
Hún var of góð- til þess að rökræða við mig

Með- dómshamri sínum- hún krossfesti mig- er rauðlogandi einræðu hún hélt
Og-heiftin brann ennþá sem glóandi bál er hún hafði úr skálum sínum hellt
Ég orðinn áhorfandi
Á einleik sem hún spann- Í aríu sem upplýsti mig um
Speki sem ég vissi og
um aðferð sem ég kann

Hún var of sexy-fögur- gáfuð fyrir mig-
Hún var of menntuð- fáguð-  með hærra þroska stig
Hún var of- vinsæl- listræn- mælskari en ég
Hún var of smekkvís- dönnuð- heimsborgaraleg

Hún var of sexy- réttsýn- háfleig fyrir mig
Hún var of skáldleg- lífsreynd- með hærra greindarstig.
Hún var of skýr- til þess að reyna að skilja mig.

 

 

 

Þau velja sér þögn.

 

Þau velja sér þögn
Ekki vegna fáfræði minnar á viðfangsefninu heldur út af kunnáttu minni á því.
Þau velja sér þögn
Því hún er síðasta hálmsstráið
sem þau geta haldið í á hólmi blekkingarinnar.
Þau velja sér þögn
En afskræma æru mina þegar ég er ekki viðlátin.
Þau velja sér þögn
Upphrópa staðhæfulausar alhæfingar sem standast ekki kastljós staðreyndana.
Þau velja sér þögn
Því þeim hryllir við þvi að ég hafi rétt fyrir mér
Þau velja sér þögn
Því þau vilja ekki horfast í augu við sannleikan