hér er mín tillaga að næsta texta við þjóðsöng okkar Íslendinga.

Íslenski þjóðsöngurinn.

Sigldu burt frá Noreigi- í villtum vígamóði
Þeir- Víkingar sem urðu okkar -fyrstu landnámsmenn
með- engilfögru kvenfólki -og írsku þrælastóði
Að íslandsströndum sigldu er- þeir námu land í denn

Hýrðust inn i torfkofum- um ótal margar aldir.
Angandi af hlandfýlu- á kafi í kindaskít
Skattpíndir og kúgaðir- af ýmsu konungsvaldi
Í kuldalegu allsleysi- með andlit næpuhvít

& Við komum öll af sauðsþjófum
við komum öll af þrælum
við erum framtíð rumpulýðs
okkar föðurlands

Af þroskaheptum ómögum- og hreppsfíflum þeir hlógu
Hæddu lausgirt fagurfljóð- og gjörðir afglapans
mygu yfir bókvitið- og börn til hlýðni slógu
Bölvuðu en framfylgdu- svo skipun kúgarans

Kotabændur þessa lands- og sérhver sveitahreppur
sultu nær úr volæði- við bágann þjóðarhag
Í -gegnum móðurharðindin- og margar djúpar kreppur
Miklu verra kvalræði- en það sem er í dag

 

 

Bara grín.....

Ég myrti mann-

hrópaði ég um torgin
meira til þess að skemmta mér
en út af skilanlegri ástæðu

Ég myrti mann-

Æpti ég af öllum mínum sálarkröftum

með flugbeittan hníf í hendinni

sem var ataður tómatssósu.

Ég myrti mann-

Heyrðist öðru hvoru í mér
þar til lögreglan kom á svæðið

og tók mig fastan.

Ég myrti mann-

Var það eina sem ég lét eftir mig í skýrslutökum.

Ég myrti mann-

Æpti ég til dómarans sem virtist ekki sama sinnis.

"Hvaða mann þá" spurði dómarinn til baka ?

Ég myrti mann-

Svaraði ég skellihlægjandi.
Málið var látið falla niður

á þeim forsendum að ég væri galinn

en í sannleika sagt... þá var ég bara að grínast.

það er erfitt að vera dýrðlingur.

 Það er erfitt að vera dýrðlingur - eins og þessi saga sýnir.

 

Dýrðlingurinn- Kæru bræður... Ég hef verið snortin af höndum ljóssins.

 

Vinur 1- uuu hvað ertu eiginlega að tala um ? 

 

Vinur 2- Já ég segi það sama - hvað...rakstu þig kannski í vegg ? 

 

 Dýrðlingurinn- Nei Kæru bræður- Sannlega segi ég ykkur að stund mín er runnin upp. Nú er draumurinn, sem lengi vel var aðeins óraunverulegur framtíðaróri að verða að blómi sem mun rísa upp til himna. Fold mín mun auðgast af gjöfulum ávöxtum og gola hamingjunar blása um veginn.

 

Vinur 2 -  Ég skil... þú ert sem sagt að fara að skrá þig í Garðyrkjuskóla Ríkisins ? 

 

Vinur 1- Ég væri til í að prufa þetta hass sem þú ert að reykja ?

 

Dýrðlingurinn - Sannlega segi ég ykkur Bræður- að ef þið fylgið mér- mun gæfan verða að veginum sem þið arkið og fögnuðurin varanlegt ástand. Líf ykkar mun fá raunverulegan tilgang og þið munuð þarfnast einskyns meira en helstu nauðsinjar.

 

Vinur 1- Ég segi nú frekar að ef þú ferð ekki að halda kjafti þá mun ég fylgja þér inn á KLEPP.

 

Vinur 2 - Já og ég mun sjá til þess að þú sleppir aldrei þaðan aftur. 

Fangelsi leiðindana.

Allir einstaklingar yfir 30 ára aldri eiga að vera foreldrar. Þeim ber að vinna myrkrana á milli og búa í grásteyptum helli sínum ásamt maka og börnum. Hver sá sem brýtur þessa reglu er refsað með svívirðilegum hætti. Honum stendur tvennt til boða,-annað hvort að verða barrotta eða sætta sig við félagslega einangrun í lifanda lífi.

Og hvort villt þú ? Spurði dómarinn mig hastarega. 

Ég held ég velji mér félagslega einangrun. Svaraði ég .

Samtstundis kom ósýnilegur fangavörður og hann járnaði á mér hendur og fætur. Hann breytti íbúðinni minni í fangaklefa og um leið og hann lokaði hurðinni sagði hann.

 "Sá sem hefur uppreisn gegn hundleiðindum hversdagsins og hyggst gera samfélagið skemmtilegra - skal samstundis mannorðsníddur og skikkjaður til þess að fara aftur í grámyglulega hlekki leiðindana. Og að endingu vil ég minna þig á það að það er bannað að brosa frá mánudegi til mánudags "

Hér er ég- Með járnsögina í hendinni og byrjaður að saga rimlana. Ég er búin að svæfa verðina með þeirra eigin leiðindum og hyggst flýja við fyrsta tækifæri. Spurningin er hvert og hvort fangaverðir leiðindana muni finna mig áður en dómurinn firnast út. 

Afhverju ég þoli ekki hasshausa.

 

Ég var að fá einhverja bestu viðskiptahugmynd allra tíma Marr

Og hvaða viðskiptahugmynd var það ?

hei hérna sko það sem ég var að spá í var.. hérna sko

uu hvað ?

Sko það sem ég var að pæla í var - hérna þú veist

Nei -

Hei chillaðu á því mar- Hugmyndin er sko svona - Þú veist ég ætla að - eða réttara sagt þá var ég að spá í - sko

 Heyrðu værir þú til í að æla sprokinu út úr þér ?

Bíddu um hvað vorum við aftur að tala um ?

Þú varst með Viðskiptahugmynd ?

Ha ég ? Nei nei nei nú ertu að ljúga- það er ekki satt.

 

 

 

Lykillinn að langlífi.

Aldrei nokkurn tímann tæki konan mín upp á því slá mig þéttingsfast í framan. Hún fengi ekki þá hugdettu að tala illa um mig eða lítillækka á almannafæri. Ég þarf ekki að sitja undir óþolandi aðfinnslum af hennar hálfu eða niðurlægjandi skítköstum. Ekki vegna þess að konan mín er svona himnesk og yndisleg heldur vegna þess.......... að ég á ekki neina.

 

 

DJÖFULSINS DURTURINN ÞINN... þú ert í ÓHREINUM SOKKUM

Eru dæmi um dólgsyrði sem ég hef ekki þurft að heyra í langan tíma,þökk sé kvenmansleysi mínu og er því ansi liklegt að ég verði langlífur og dánarorsök mín eitthvað annað en hjartaáfall. Það er ansi líklegt að ég muni lifa hamingjusamur og sáttur út í lífið og tilveruna nema, ég tæki upp á þeim óskundan að fara að finna mér kærustu. 

 

Slær NBA-stjörnu

Þetta er ekkert krassandi- Sólgos ? PIFF ég vil sólsprengingu frekar.

Það er komið að heimsendi. Loksins getum við sleppt af okkur beislinu og farið ránsferðir um 10-11 verslanir eða mögulega sprengt upp lögreglubíla því að á morgun verður enginn morgundagur. Ekkert líf aðeins dauði og þá fyrst fá hinir trúuðu og trúlausu staðfestingu á því hvort það sé framhaldslíf eftir dauðann.

Eða nei bíddu nú við, Ég er að ljúga. Á morgun verður morgundagur - enda hefur komið á daginn að allar dómsdagsspár hafa verið á hræðsluáróðri byggðar. Okkur stendur því ekki til boða að gera annað en það sem við þurfum að gera til að komast af. Við verðum að takast á við okkar hversdagslega vanda, ella tekur þessi hversdagslegi vandi okkur í rassgatið. Ef við virkilega viljum heimsendi verðum ivð að vonast næst efir einhverju alvöru eins og t.d Sólsprenginu í stað sólgoss. 

Ekki meiri gammageislun við sólgosið

Frumvarp á hinu Íslenska alþingi.

Hæstvirtur forseti.

 

Þar sem umræðan í þessum þingsal mun aldrei verða á málefnalega háu stigi og ekki einn einasti möguleiki að ræða hlutina á rökfræðilegum nótum, legg ég til að við kljáumst framvegis með íslenskri bændaglímu eða hreinum og beinum hnefalögmálum.

Þessi samfelldu framíköll eru þess valdandi að ég fæ ekki lengur tækifæri til þess að setja fram eina heilstæða settningu án þess að vera truflaður og er mér nóg boðið. Það hafa skapast fordæmi fyrir slíku hnefatali víðsvegar út um allan heim og nú síðast á Indverska þinginu svo því ekki að gera slíkt hið sama hér ? vissulega myndi slíkt kosta marbletti hér og þar um skrokkinn en það sem kemur á móti er að andrúmsloftið myndi hreinsast og þingmenn gætu losað  um gremju sína sem er orðin mun meiri en góðu hófi gegnir.

Framí kall úr þingsal- -HEI TIL ER ÉG

-Æi Þegiðu Árni! Þér ætti að vera ljóst að ég var bara að grínast.

 

 

 

Þingmenn vopnaðir skóm og blómapottum

Ég get ekki verið í tíma lengur.

Mér er minnisstætt atvik sem átti sér stað í Flensborg, nánar tiltekið í enskutíma. Sú sem kenndi í þessum tíma var í geðstyrð járngribba og hún stjórnaði nemandaskrílnum með rafmögnum gaddavírsaga. hún var gjörn á að refsa nemendum fyrir óæskilega hegðun og lagði mikla áherslu á að við lærðum það sem fyrir okkur var lagt.

Í þessum tíma sat maður sem átti síðar meir eftir að verða þjóðkunnur leikari. Hann var hrekkjusvín að eðlisfari og allt í einu tók hann upp á því að senda mér bréf.

Þú færð fimm stig ef þú segir við kennarann að þú getir ekki verið lengur í tíma því þú ert búinn að skíta í buxunar.  - Stóð í bréfinu.

Verðandi leikarinn hélt niðri í sér hlátrinum á meðan ég las pappírsstrimilinn. Hann beið fullur tilhlökkunar og var ekki alveg viss;hvort ég myndi gugna eða láta slag standa.

 

Heyrðu ég get ekki verið í tímanum lengur

Sagði ég skyndilega með vælukenndum rómi.

 

Nú gætir þú útskýrt fyrir mér út af hverju

Spurði kennarinn alvörugefinn leiðindarsvip framan í smettinu. 

 

Vegna þess að ég er búinn að kúka í buxurnar. 

 

 Hver einasti einstaklingur sem var þarna inni trylltist úr hlátri- allir nema kennarinn sem fanst þetta athæfi eins fjarri því að vera hlægilegt og hugsast getur. Hann refsaði bekknum með því að hleypa ekki neinum á klósettið það sem eftir lifði tímans og var einn nærri búinn að míg á sig vegna þess- því hann var þegar komin í spreng og nú með hláturskrampa í ofan á lag.

 

Endir. 

 

Kærð fyrir að teikna kanínur

Bylgja Pálsdóttir- Skapofsakerling.

Bylgja- skapheita- Pálsdóttir tók upp upp á því að ganga yfir þvera og endilanga Evrópu og breyta brúðkaupsferðinni sinni í bakpokaferðalag. Hún hefur verið eld-örg í skapi frá því að hún lenti í orðaskaki við sinn heitt hataða eiginmann og hefur ekki náð sér síðan þá. Þau voru stödd á brúnum Toyjota bílaleigubíl við eitt af óteljandi torgum Rómar, þegar þau keyrðu framhjá óvenju rassastórri styttu og hvu maðurinn hennar þá hafa sagt.

 

    - Svona verður þú elskan ef þú ætlar að leggjast í að japla ís alla ferðina.

 Við þennan saklausa aulahúmor- hitnaði Bylgju mjög í hamsi og hefur ekki náð sér niður síðan þá. Hún skipaði manninum sínum að stöðva bílinn og strunsaði út. Meira að segja blóðheitustu Ítalarnir eru eins og fermingadrengir í samanburði við þennan íslenska kerlingaskörung enda er þessi púðurtunna sem kjarnorkusprengja um þessar mundir og virðist fjarri því að róast niður.

Hitabylgja í Róm