ekkert er skemmtilegra en þegar börn segja...

7.6.2009 | 17:43

ekkert er skemmtilegra en þegar börn segja sögur...

Ég á eina litla vinkonu sem er 4 ára gömul. Hún á til með að búa til sögur handa mér og hún lætur síðan móður sína skrifa hana niður. Ég hef skemmt mér konunglega við lesturinn á sögum hennar og haft einstaklega gaman af einlægni ungu dömunar.

Undanfarið hefur móðir hennar verið kasólétt og fyrir tveimur dögum eignaðist móðirinn þríbura. Söguleg skýring ungu stelpunar á því hvað gerðist þykir mér ansi skemmtileg og gat ekki annað en skellihlegið.

"Einu sinni var stelpa sem heitir Margret sem átti rosalega góða og ofsalega feita mömmu. Mamma hennar var svo feit að hún gat ekki einu sinni labbað og varð bara að liggja í rúminu og það fannst stelpunni leiðilegt því hún vildi mamma léki við sig. En svo fór mamman á sjúkrahúsið af því hún var með barn í maganum og læknirinn skar stóra, feita, ljóta magann af mömmunni og hún fékk þrjú. lítil börn, en svo týndust þau og enginn fann þau. Margreti fannst það rosalega leiðilegt og vildi finna börnin sem voru í bumbunni en hún fann þau hvergi svo hún fór að gráta. Margret finnur ekki litlu börnin því læknirinn tók þau, en núna er mamma ekki lengur feit. Hún er bara aftur orðin falleg og góð og kann að labba núna."

það sem átti sér stað var að þríburanir voru settir tímabundið í öndunarkassa. Mamman er í raun tágrönn en var kasólétt og voru börnin hennar með miklar áhyggjur á því hvað mamma þeirra væri orðin mikil bolla er hún var orðin kasólétt.

önnur dóttir hennar sagði við þetta við mömmu sína þegar hún heimsótti hana á sjúkrahúsið.

"Mamma mín núna máttu alveg koma og liggja í rúmið mitt og bjóða góða nótt og lesa sögu því núna ertu ekki lengur feit og brýtur ekki rúmið mitt því þú ert ekki lengur feit"

Flokkur: Bloggar | Breytt s.d. kl. 23:20 | Facebook