Kossafangelsi.

Kossaflens veldur stórhættulegum hugsóttum sem geta orðið þunglyndisvaldandi til lengdar.  Hægt er að rekja aukna peningaeyðslu til þessara athafnar jafnt sem persónutengda þráhyggju. Þar að auki verður fólk leiðinlega væmið af kossaflensi og leiðir kossaflens til félagslegrar einangrunar. Margir karlmenn hætta að fara út að skemmta sér með vinum sínum en kjósa þess í stað að eyða öllum sínum stundum með sinni heittelskuðu frekjudós sem þeir sjá ekki sólina fyrir.

 

 Dæmi

 

Jón Bergvin Sveinbjarnarson er forfallinn kossaflensafíkill. Eftir að hann náði sér í unnustu hefur hann eitt öllum stundum með henni og hætt að hafa samband við félaga sína sem hafa ítrekað reynt að fá hann með sér á fyllirí. Þar að auki er hann farin að stunda þann ósóma að hegða sér skikkanlega og hættur að reita af sér dónabrandara í vinnunni. Ástæðuna má tengja til harðstjórnar unnustunnar á honum og hvað hún svífst einskyns í tilætlunarsemi sinni í garð Jóns.  

Jón ?

Æpir kona Jóns og ýtir manni sínum frá sér er hann reynir að kyssa hann í eitt af ótal skiptum.  

já

Svarar jón. Hann er hálf furðu lostin og það  fýkur örlítið í hann að kona hans tekur ekki við kossi hans. Nafnakall hennar kemur sem þruma úr heiðskýru lofti en hann lætur fráhrindingu hennar ekki slá sig út af laginu og heldur ótrauður áfram að reyna að kyssa sína heittelskuðu hvellsprengju.  

Jón ?

já hvað er það heillin ?

Jón reynir enn eina ferðina að koma við munnvik hennar með vörum sínum. Hann lætur lítið á því bera hve pirraður hann er orðin á þessu nafnakalli hennar og ef hann væri ekki sérlegri kossaför þá myndi hann loka kjaftinn á henni með hefti byssu.

JÓÓÓÓÓÓÓÓÓN þú færð ekki að kyssa mig

Já hvað er þetta  kelling .. afhverju ekki ?

Æpir Jón og er öllum lokið. Hann skilur ekki ástæðuna fyrir upphrópunum dömu sinnar og fyllist af rétt látum pirringi. 

Af því að Þú stendur ofan á báðum skónum mínum og þú lyktar eins og sigin skata

já þú meinar það

Svarar jón og veit upp á sig sökina. Hann heldur inn í sér loftinu og fer inn á klósett til að tannbursta sig. Til öryggis fer hann í sturtu og skolar skítinn á bak við eyrun. Þegar hann kemur fram aftur í stofuna......

 

Þá er fangavörðurinn hans steinsofnaður.  

  

Þúsundir komu saman til að setja kossamet

Athugasemdir

[Jónína Dúadóttir, 17.2.2009 kl. 06:22]

Þér tekst alltaf svo vel upp með rómantískar lýsingar....

[Hlédís, 17.2.2009 kl. 09:21]

"Góð og sannfærandi lýsing á reynsluheimi karlmanns. Trúlega byggð á atburðum í lífi höfundar" - segir gagnrýnandi Blaðsins í langri lofrullu um bókina.

[Brynjar Jóhannsson, 17.2.2009 kl. 17:26]

Jónína

Ástarsögur eru mitt sérsvið

Hlédís..

Ekki alveg en svona um það bil.