Kulnun

 

Ég er matarknúinn vinnuvél
með válint skap í kaldri skel


sef í vöku og sekk í trans
er sinni starfi róbótans


Er  ég fer á vinnuvakt
verð að fylgja hennar takt


set því á mig hugrænt haft
og hem minn eiginn strigakjaft


Þegar ég er fjarstýrt fól
forritað sem vinnutól


set á bretti frystifang
er fer minn sama vanagang


Ég sé ekki mikin mun
á minni vinnuafplánun


og ganga áfram hamstrahjól
hringsnúast sem vélartól


Ljóð um útvarp Sögu.

Ljóð um útvarp Sögu

Eldheitur ljósvakinn logar

sem leiftrandi óveðursský
Heyri í herlúðrablæstri
og háværum reiðinnar gný
Orðið er eldfimt og laust
Á útvarpi sögu
orðið er eldfimmt og laust…úr læðingi
og lognið er dautt
Orðið er eldfimmt og laust
á útvarpi Sögu

Pétur sem öskraði “úlfur”
Æpir til fólksins á ný
Gremjan er kominn í kaffi
en kyrrðin í vetrarfrí
orðið er eldfimmt og laust
á útvarpi Sögu
Orðið er eldfimt og laust…úr læðingi
og lognið er dautt
Orðið er eldfimmt og laust
á útvarpi sögu

Krónískir tuðaðar tendra
Tilgangslaus neyðarblys
og breytast í háðfuglafóður
og fórnarlömb athlægis
  því orðið er eldfimmt og laust
á útvarpi Sögu
orðið er eldfimmt og laust úr læðingi
og lognið er dautt
orðið er eldfimmt og laust
á útvarpi Sögu


Ljóð

 

Ljúgðu Gosi, Ljúgðu

og láttu alltaf eins

og illa farið fórnarlamb

á funa steikarteins

 

Hlauptu Forrest Hlauptu

Með hóp á eftir þér

í leitinni að endarstað

Sem enginn veit hvar er

 

Kysstu Júdas Kysstu

Krist sem úti frís

Gakktu svo með gullpunginn

um gróðaparadís


Ljóð um draumfagra dís.

 Þú draumfagra,
 draumfagra dís 

tvístíga á krossgötu þinni
 
Einum of vonsvikinn "eftir á" þytur
í ísköldu loftinu blés 
blómi þíns vonglaða vés
vildi en fékk ekki að dafna
og lá undir hjúpþykkum ís 
er varst hrakin úr paradís
 
þú draumfagra,
 draumfagra dís
 
tvístíga á krossgötu þinni
 
Sá þig með kvalið en kærleiksríkt bros
kalið og mölbrotið hjarta 
Fegurð sem fékk ekki að skarta
og fas sem var himneskt og blítt 
í ólgu þíns óveðurskýs
er varst hrakin úr paradís

Þú draumfagra, 
draumfagra dís

Tvístíga á krossgötu þinni 
 

 


Skilningsleysi

 

Skilningsleysi

 

Daman sagði við gjaldkerann.

 

“Funi sem fuðraði upp

og fegurð sem hvarf

Sögðu að ég vildi ekki vakna

og vinna mitt starf” 

 

“Og hvað kemur það mér við ? ” spurði gjaldkerinn.

 

“nú, báðum þeim fanst ég svo fúlleit

og flúðu því út

Skildu mig eftir í einskonar

andlegri sút

og því er ég niðulút“

 

Það sló á vandræðaleg þögn

sem gjaldkerinn rauf með því að segja

 

“og það gera tíuþúsund og fimmhundrað krónur”


Lifðu í núinu.

Lifðu í núinu, nóttin er ung
og nepurðin hennar er losti
Rétt eins og ástríða úr osti
og epli úr vorhýrum yl

Lifðu í núinu, lífið er bros
sem liggur svo mikið á hjarta
Með hlátrinum heimtar að skarta
og hugsa sér batnandi skil

Lifðu í núinu, leggðu þig fram
að lofa hinn glaðlynda galsa
Stígðu við sæluna salsa
og settu á borðið þín spil

 


Mánudagsmorgun.

Mánudagsmorgunn. Af hverju ertu að vekja mig
með öskrum og látum, þegar þú veist ég hata þig.
Vil ekki vakna, því nærvera þín er niðurlút,
nístir að skinni og leyfir mér ekki að sofa út.

Mánudagsmorgunn. Af hverju ertu alltaf eins
með óþarfa stæla, sem auka á kvöl míns sálarmeins.
Ert ekkert fyrir, broslausa b-menn eins og mig
sem bölva í hljóði og horfa með hornaugum á þig.

& Æ,Æ,Æ, ég myrti morgunhanann og lamdi verkstjórann

Ég hata þig mánudagsmorgunn og vekjaraklukkuna
Ég hata þig mánudagsmorgunn og byrjun vinnuvikunnar

og ef þú myndir segja góðan daginn þá svara éttu skít

Mánudagsmorgunn. Ert alltaf fimm daga í röð
í andrými tímans, sem staðnumin lest við brautarstöð. 
Áður en birtist, er kominn með alveg upp í kok
á kvalræði þínu og dreymi um vinnuvikulok.
 

Mánudagsmorgun. Mín vegna máttu éta skít
því minningin um þig, er allt sem ég hata og fyrirlít.
Tekur upp hanska og sjónamið vinnuveitandans
villt að ég hlýði og fari eftir fyrirmælum hans.


Afglapinn




Veit hvað það er erfitt að sætta sig við tap

svipuhögg úr angist og biturt keppnisskap

og vera afglapi

Væntingar sem verða harmi þrungið hnig

helst að öllu óska að jörðin gleypi þig

því þú ert afglapi

En þannig er nú lífið ljúfurinn

er lítur þú í gras með tár á kinn

og ert afglapi

á þinn hlálega hátt

 

Yrðir óður maður ef þú gerðir ekki gys

af glappaskotum þínum og því sem fórst á mis

sem afglapi

Óraunhæfar kröfur gera engum gott

því gróði þeirra færir sjaldan sæluglott

er þú ert afglapi

Fæstir geta unnið sérhvert sinn

og sagt þeir þoli alltaf mótvindinn

og eru aldrei afglapar

sem lífið leikur grátt

 

Lýttu á tap sem góðverk - og göfgun mannshugans

og gleðipillu sigurvegarans

Sem er ekki afglapi

og fagnar því dátt

 

Slepptu því að bölva ef þitt besta er ekki nóg

og brjóta þig að innan er leggur hönd á plóg

ef þú ert afglapi

 Stóðst þig vonum framar gerðir hvað þú gast

því gagnast frekar lítið að taka tryllingskast

sem afglapi

Settu frekar sælubros á kinn

og sættu þig við tapið eyminginn

þó þú sért afglapi

með veikan varnarmátt.

 

Allir eru- einhvern tímann afglapar

Illa séðir - úr sér gegnir - taparar


Ljóð um Facebook

 

Facebook 

 

Talandi dæmi um tímann en ekki þig

er tálmynd sem settir á Facebook af sælubrosi

sem- lét okkur halda að þú værir glaðlindur gosi

og græðir mun meira en ofvirkur afgreiðsluposi 

-

Færsla sem heimtar að heiminum líki við sig

og hugsi með sér að líf þitt er allsherjar gaman

segir að ekkert í núinu geri þig graman

og gangir í skýjum og skemmtir þér stundunum saman 

-

Öllum er sama þó þú sést í huglægum hnút

harmir mun meira en sýnir á veraldarvefnum 

Þessvegna póstaru mikið af myndrænum efnum

 minningatengdum og hresslindum tónlistarstefnum

-

Fannst sem þú værir svo - syngjandi kátur í sút

og svamlaðir um í botnlausu andrými tímans

er- hamingja þín sem var eingöngu glaðlinda gríman

 glotti með hressasta móti í myndavél símans

 


Þú ert mér uppfyllt ósk

Þú ert mér uppfyllt ósk
andi sem býr í glasi
töfrandi drottsins dýrð
dásemd með hlýju fasi

Þú ert mér mánaskyn
Sem minnir á himnaríki
engiltært viskuvatn
vegur sem brúar sýki

Þú gafst mér barnslegt bros
er bast við mig þráð úr stáli
tendraðir eld sem er
orðinn að ástarbáli

Þú gafst mér gullna vídd
götu til álfaheima
opnaðir inni í mér
andlega himingeima

Þú komst með kærleiksbyr
klakann á strætinu bræddir
varst eins og sálrænt smyrsl
er sárin með umhyggju græddir

þú komst með hjálparhönd
huggun í erfiði mínu
færðir mér leiðarljós
og lykil að hjartanu þínu


Næsta síða »

Um bloggið

Brynjar Jóhannsson

Höfundur

Brynjar Jóhannsson
Brynjar Jóhannsson
Ég heiti Brynjar jóhannsson og er að gefa út mína fyrstu skáldsögu sem heitir Martraðaprinsinn og er það útgáfufélagið Sarasvati sem gefur mig út.

Tónlist

www.brylli.com

Heimasíðan MÍN..


Tónlistarspilari

- Antymedro- sexual-lokamix

Nýjustu myndböndin

Gróa á Leyti

Kúrekinn

Bloggvinir

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • ...ahaugurnytt
  • DSC_0040
  • Pjakkurinn
  • n556750566 5295516 7415
  • 2cats_543477

Heimsóknir

Flettingar

  • Í dag (19.3.): 0
  • Sl. sólarhring: 2
  • Sl. viku: 12
  • Frá upphafi: 0

Annað

  • Innlit í dag: 0
  • Innlit sl. viku: 9
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband