Gaman þegar gengur vel en þegar illa árar...

24.8.2008 | 10:23

Gaman þegar gengur vel en þegar illa árar ......

Spá mín um íslenska handboltalandsliðið gekk ekki alveg upp en mér til mikillar huggunar rættist hún næstum því. Eftir leik liðsins okkar við Þjóðverja í riðlakeppninni spáði ég liðinu ólimpíumeistaratitli einfaldlega vegna þess að við vorum þar að leggja eitt af sterkasta handbolta lið í heimi af velli. Vissulega er ég algjörlega sáttur við silfrið og vonandi verða verðlaunin nægjanleg lyftistöng til þess að halda íslenska landsliðinu áfram í hópi þeirra bestu. Frakkar eru náttúrulega með besta handboltalið í veröldinni um þessar mundir þó svo að ég sé sannfærður um að á mjög góðum degi gætum íslenska landsliðið átt í fullu tréi við þá.

Í dag eru meðlimir íslenska handboltalandliðsins strákarnir mínir og ég samgleðst þeim innilega. Ég viðurkenni samt fúslega að á hrakfaramótum eru sömu strákarnir afglapahópur handboltamanna á einhverju flæðiskeri norður í atlandshafi sem ég slysaðist til að fæðast á. Þá er ég ekki íslenskur heldur danskur.

Þið íslendingar getið ekki neitt

Segi ég þá og frábið með öllu að vera Íslendingur og vísa þá til dansks uppruna míns en ég er 1/4 danskur.

Þegar illa árar í íslenskum handbolta fylgist ég ekki mikið með honum enda hef ég lítin áhuga að fylgjast með jarðaförum. Umsvifalaust slekk ég á imbanum og fer að snúa mér að jákvæðari viðfangsefnum eins og að klóra mér í hausnum eða eins og á þessum sæluþrungna sunnudegi hef ég ákveðið að taka þá stóru ákvörðun í lífi mínu að halda áfram að lúra.

Eigið góðar stundir og áfram Ísland.

	Ísland í 2. sæti á ÓL
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Breytt s.d. kl. 10:25 | Facebook

Athugasemdir

Týpiskt íslenskt að loka augum og eyrum þegar illa gengur Við getum við alveg ótrúlega stolt af strákunum, auðvitað varð maður svekktur. En hey... er það ekki orðið nokkuð gott þegar maður er farin að verað svekkt yfir því að vinna ekki gull á stærsta íþróttaviðburði í heimi?... Ég held nú það!

Þetta var algjörlega frábræt hjá þeim, þó svo að þessi leikur hafi verið óþarflega auðveldur fyrir frakkana.

Segir að á góðum degi gætum við unnið frakka... Ég minni bara á Síðasta EM þar sem þessir sömu strákar tóku frakkana og pökkuðum þeim saman og unnu ef mig mis minnir ekki með 7 mörkum... gætu samt hafa verið fleiri, en þau voru mörg.

En allavega... fyrsta og einasta skipti sem ég er ógeðslega glöð þegar einhver vinnu 2.sætið... hreint út sagt... magnaður árangur... ég er allavega stolt.

Sofðu vel annars.

Signý, 24.8.2008 kl. 10:36

Ég hef minnst á þann sigur áður á frökkum, við unnum þá Frakkana með tíu mörkum. .... Reyndar sagði ég líka Signy að ég sé stoltur af liðinu og samgleðst þeim innilega. Auðvitað eru silfurverðlaun ekkert annað en stórheiður og fyrir mér er þetta mesti árangur sem náðst hefur á ólimpiuleikum fyr eða síðar af íslendingum. Það hefur ekkert eyland með íbúafjölda undir einni million unnið á olimpiuleikum svo það er ekki annað hægt en að hneigja sig fyrir þessum mönnum.

Já heyrðu .. ég ákvað að fara frekar út í búð