VIð verðum Ólimpíumeistarar.

22.8.2008 | 17:20

VIð verðum Ólimpíumeistarar.

Yndislegri upplifun er ekki hægt að hugsa sér þegar ég labbaði út af Hressó þegar íslenska handboltalandsliðið var búið að valta yfir Spánverja í fjórðungsúrslitunum. Ég ýki ekki eitt einasta orð. Fólk var stígandi sigurdans á Lækjargötunni þegar það gekk út af nærstöddum börum. Sumir voru syngjandi íslenska þjóðsönginn og engin réði ekki við sig af kæti. ÉG hef aldrei á æfi minni séð neitt þessu líkt né nokkurn tíman verið jafn stoltur af því að vera Íslendingur. Ég var farin að hylma gleðitárin þegar ég horfði á lokasekúndur leiksins því ég réði ekki við tilfinningar mínar. Það var sannkölluð víkingastemmning í loftinu og engu líkara en hver einasti maður hafi verið á vellinum að hvetja liðið.

Sjáið

HÉR

Og sjáið

HÉR

Ég hef vitað það í langan tíma að íslenska handboltalandsliðið er með þeim bestu í heiminum. Það þarf ekki nema að hafa smjörþefsþekkingu á handbolta og vita hvernig byrjunarliðið okkar er mannað til þess að gera sér grein fyrir því að það er uppfullt af heimsklassaleikmönnum. Mér hefur alltaf fundist íslenska landsliðið vera örlítið undir getu nema þegar þeir komust í fjórðungs úrslit á EVRÓPUMÓTINU(man ekki hvenær). Á þessu móti með tilkomu Ingimars erum við allt í einu komnir með heimsklassa vörn sem hefur aldrei verið betri og því varð mér ljóst að við værum líklegir kadidantar til stórafreka á þessu móti þegar við unnum ríkjandi heimsmeistara frá Þýskalandi. það er ótrúlegt að geta hvílt menn eins og Sigfús öðru hvoru sem nýtur gríðarlegrar virðingar út um allan heim fyrir styrk sinn. Þó við séum aðeins 300 þúsund hræður sem búum í nánd við Svalbarða höfum við haft efnivið til að ná svona langt í handbolta í mjög langan tíma .

Ísland ER EINFALDLEGA MEÐ EITT BESTA HANDBOLTA LIÐ Í HEIMI.

Ég er alveg sammála Óla Stef... þegar hann sagði .. bara hreint út að við værum með betra lið en Spánverjar fyrir leikin og ég þykist viss um að hann telji okkur svipaða og Frakka og erum ekki síðri kadidantar í þeim leik í keppni um gullið. Ekki gleyma því að við unnum Frakka með 10 mörkum ekki fyrir löngu á stórmóti svo afhverju ættum við ekki að getað gert það aftur ?

Ég segi það og skrifa.

VIÐ VERÐUM ÓLIMPÍUMEISTARAR i HANDBOLTA ÁRIÐ "2008".