Fígúrur lífsgæðakapphlaupsins...

 

 Minni íbúð-

ódýrt vískí-

lítil innkaup

og hippakonur

 

Mig langar að votta skuldunautum vors lands samúð mína, með einlægri von um að þeir drukkni ekki ofan í skuldafeninu. Helst vildi ég að þeir nái að sigla milli skels á og báru í þessum ólgusjó íslensks efnahagslífs og að veski þeirra verði ekki tæmt í einni af ránsferðum verðbólgudraugsins.

-búúúúúúúú komdu með peninganna þína eða þú færð ekkert að borða -

Gamanið væri orðið einum of grátt ef skuldunautarnir eiga ekki fyrir innborgun á íbúðinni sinni og geta ekki leyft sér mikið meira en að bora í nefið.

 

Ég skal halda inni í mér hlátrinum

og láta naumhyggju-skoðun mína sem minnst í ljós.

 

 

Í stað gaspurs, sem er uppfullt af háðstónum, ætla ég að sýna ykkur ljóð við lag sem er af geisladisknum mínum Næstum því maðurinn en hann var gefin út 2004. Það ljóð fjallar um neysluhyggjubrjálæðið sem virðist ganga í erfðir frá manni til manns hér á íslandi.

 

Lagið er hér...Veldu hlustið og ýttu á lagnúmer 4 á geislaspilaranum

á heima síðu minni brylli.com. 

 

 

 

 

Fígúrur lífsgæðakapphlaupsins

Er klappstýra lífsgæða kapphlaupsins hvetjandi styður
sinn kappa sem bíður í rúmi að vekjarinn flauti
Þá Barbí er barinn en Ken hann er urðaður niður
með bókhaldareikningum lögmanns og gjaldkera tauti
grasasni tískunnar gulrætur sölumanns bryður
sem gráðugan Mammon í bæn sinni þrálátt tilbiður

og bjallan hún glymur og Súpermann setur skikkjuna
sem svífur af stað fellur strax ofan í valinn
og kúrekar viðskiptalífsins þeir berja í bikkjuna
sem ber þá af stað eins og eimreið um táradalinn
og konungur hégómans fellur í hengingarlykkjuna
og hrókur alls fagnaðar sekkur í alkahóldrykkjuna

steinrunnar verkalýðshetjunnar vakna úr dvala
sem vonast um bættari lífskjör í tvístraðri einingu
og karlinn í kotinu hleypur að verðbréfa sala
og kaupir sér hlut í íslenskri erfðargreiningu
snobbhænur lyfta upp nefi og lofthanar gala
er um lífsgæðakapphlaupsins ávinning byrja að tala

og lýðurinn glottir og kóngurinn vandar ei kveðjurnar
er karlinn í brekkunni skrattanum skemmtir með söngvum
og riddarar íhaldsins taka úr slíðrunum sveðjunnar
sem slá mót lágstéttar hermaurum hnöktandi í öngum
er skjaldbaka hversdagsins sporar nær spektlaus um leðjuna
einn sparigrís bætir við hlekkjum í verslunarkeðjuna

mig langar að þakka ákveðnum aðilum fyrir innblástur í þetta
fallega ljóð sem er ort til yfirborðskenndar íslenskrar þjóðarsálar en viðkomandi einstaklingar eru.
Barbí dúkkur með aflitað hár
prinsinn á hvíta porsinum
jakkaklæddir hvítflippar
tískufrík og barmellur
súkkulaðibrenndir líkamsræktartrukkar
módel með anoerexiu
íhaldið í öllum flokkum
menntahyskið aura púkar
snobbpíkur gáfnarembingspakk
og forstjórinn á flotta jeppanum

að lokum langar mér að segja eitt mikilvægt sannleikskorn,
en það er: fegurðin skiptir ekki máli heldur peningarnir

taka lán kaupa bíl kaupa hús vera í tísku veisla föt veisla meira meira meira
innrætið skiptir ekki máli heldur innrætið útlitið leikföngin og lífsstíllinn

Erfiðleikar hjá húskaupendum

Athugasemdir

[Johnny Bravo, 28.7.2008 kl. 15:34]

hvernig væri að þú myndir semja áramótaskaupið í ár.

[Brynjar Jóhannsson, 28.7.2008 kl. 15:42]

Já hvernig væri það Johnny ...

Það væru viðbrigði.. uuu fyir mig allaveganna.

[Helga Magnúsdóttir, 29.7.2008 kl. 12:27]

Þetta væri fyndið ef þetta væri ekki svona sorglega satt. Fólk nær stöðugt verr endum saman og ungt barnafólk sem er að koma sér upp þaki yfir höfuðið stefnir beina leið til helvítis út af þessari verðbólgu og okurvöxtum.

[Brynjar Jóhannsson, 29.7.2008 kl. 14:02]

Varðandi það að fólk eigi ekki hús yfir höfuðið Helga þá þykir mér það einkar sorglegt. Verr og miður fengu bankanir að keppa við íbúðarlánarsjóð á sínum tíma sem varð þess valdandi að íbúðarverð rauk upp úr öllu valdi. Sorgleg staðreynd en sönn.