Ég nenni ekki að mæta.

Það verður öruglega fjölmenni í bænum í kvöld enda ekkert ómótstæðilegra en hátindur íslensks sumars. Lífleg gleði og ljúfur glaumur verður allsráðandi í Reykjarvíkurhreppi, hvert sem augað eigir og léttleikinn það þyngdarlaus að almúginn mun svífa um í sæluvímu alla leið í Laugadalinn þar sem hinir ýmsustu tónlistarmenn munu hefja rausn sína. Þar munu eingöngu sjást ánægjuleg bros á vörum nátturuverndarsinna sem spóka sig í glömpum gulu "sólar-bollunar" sem er búið að húka berstrípað himnum ofar svo vikum skiptir. 

"ERU EKKI ALLIR Í STUÐI" Æpti sólin áðan og var hressari í fasi en Hemmi Gunn.
"JÚÚÚÚÚÚÚÚÚÚÚÚÚ" svaraði næpuhvítur almúginn sólskyninu feginn.

"Ætla ekki allir að mæta á tónleikanna í Lagadal á eftir" spurði sólin á eftir. 

"JÚÚÚÚÚÚÚÚÚÚÚÚÚÚÚÚ"

"uuu nei reyndar ég ætla að láta mig vanta" Svaraði ég úr takti við fjöldan.

"Ha hvað meinaru ???? ertu ekki nátturuverndarsinni ??" spurði sólin mig furðulostin.

"jú jú ég er nátturuverndarsinni en ég nenni bara ekki að mæta"

"Brylli þú getur ekki gert okkur þetta.... Þessir tónleikar eru sérstaklega haldnir fyrir þig. Sigurrós og Björk samþykktu að halda þessa tónleika ef þú myndir mæta" Sagði sólinn sem kann í brjósti til mín.

" Ég hef ekkert á móti þessum tónlistarmönnum...en þeir eru bara ekki minn tebolli." svaraði ég sólinni að lokum. Setti á mig sólgleraugu og lét sem hún væri ekki til.

Þó svo að ég láti mig vanta á þessa tónleika hef ég ekkert á móti þeim.Þvert á móti. Bókin Draumalandið eftir Andra Snæ opnaði fyrir mér nýjar víddir og ég stið heilshugar hans nátturuverndarsjónarmið. Ég hrífst sérstaklega að hugsjónafólki í tónlist og ber ómælda virðingu bæði fyrir Björk og Sigurrós.Mér finnst dásamlegt að hálfgerðir "undirgrundar" tónlistarmenn skulu vera helstu flaggberar íslenskrar nútímamenningar en ekki ofurseldar pobbgyðjur að hætti Brittney Spears. Ástæða þess að ég nenni ekki að mæta á þessa tónleika er vegna þess að ég held að mér muni leiðast og upplifi mig hálf eirðarlausan í kringum alla þessa mannmergð.  

Sem sagt.......

þó svo að ég mæti ekki.....

verð ég þar sem áhorfandi á einn eða annan hátt í huganum. Aðalkostur Imbakassans er að ég get slökkt á honum ef mér leiðist en það er öllu erfiðara að vera alltaf að koma og fara eftir mínum hentugleika á tónleikum.

Eða er það ekki rétt hjá mér.... verða tónleikanir sýndir í sjónvarpinu ?

 

 

 

Björk síðust á svið

Athugasemdir

[Aðalheiður Ámundadóttir, 28.6.2008 kl. 17:56]

Ég nenni ekki heldur, aðallega af því ég nenni ekki að keyra að norðan. En líka vegna þess að Björk er fyrir neðan mína virðingu hvað gáfur varðar, (þó ég legði á mig langferðir á góðum degi til að hlusta á Sigurrós, sem ég hef og áður gert).

[Brynjar Jóhannsson, 28.6.2008 kl. 18:36]

Með fullri virðingu Aðalheiður en mér finnst Björk engan vegin vitlaus. Mig grunar að fólk telji hana vitlausa því hún virkar mjög barnaleg í framkomu en mín upplifun á henni er að hún sé miklu frekar "barnsleg" Ég geri stóran mun á því að vera "Barnslegur" og að vera barnalegur. Sá sem er barnslegur er í góðri tengingu við sjálfan sig en virkar dálítið  einfaldur á yfirborðinu en sá sem er barnalegur er einstaklingur sem tekur enga ábyrð á gjörðum sínum. T.D GÓÐ VINUR ÞINN PLASTPOKAMAÐURINN .  Ég er að vinna með gamallri konu sem er einmitt svona barnsleg eins og Björk. Hún virkar ottalegur óviti en þegar ég hlustaði á hvað hún er að segja þá komst ég snögglega að því að hún var fjarri því að vera vitlaus heldur miklu frekar "einföld og einlæg" en á því er stór regin munur.  Sá sem er einfaldur og einlægur talar beint frá sjálfum sér án þess að vera með eitthvað óþarfa orðagjálfur en það er ekki þar með sagt að viðkomandi sé að segja "heimskulega" hluti. 

[Jónína Dúadóttir, 28.6.2008 kl. 22:45]

Ekki minn tebolli heldur