Ég legg til að kvennaklósettin á hressó verði fjarlægð

Rétt í þessu voru stórviðburðir að gerast í lífi mínu.  Ég var og er staddur inni á Hressingar skálanum sem er í hjarta Reykjavíkur og fyrir örfáum sekúndum gekk gullfalleg álfdrottning fram hjá mér. Hún horfði til mín með væntumþykjuglampa í augum og brosti feimnislega til mín. 

 

Hvaða svaka skutla er þetta ?

 

hugsaði ég með mér en var ekki enn þá viss um hvort að þetta hafi verið álfdrottning því hún var mjög hversdagslega klædd. Ég hélt samt andlitinu og leyfði henni að ganga fram hjá mér án þess að gefa henni óþarflega mikið gaum. Þegar mér varð litið um öxl sá ég að hún var horfin mér úr sýn. Annað hvort hefur daman farið inn á klósett eða einfaldlega gufað upp.

Ég er með sterkar grunsemdir að kvennaklósettið inni á Hressó sé með leynidyr inn í álfheima. Mjög sterkar sannanir eru fyrir þessari fullyrðingu minni því núna á nokkrum misserum hefur hver glæsiskutlan á fætur annarri gengið út af klósettinu. Mér þykir þetta einkar óþægilegt og truflandi því ég er að reyna að einbeita mér að skriftum þessa stundina og legg því til að þetta klósett verði fjarlægt sem fyrst. Nóg er nú þegar til af glæsilegu íslensku kvenfólki að það þurfi að fara að bæta gullfallegum og kvenlegum álfdrottningum við í þennan föngulega meyjarhóp.

 

Búlgurum boðið að salernið verði fjarlægt

Athugasemdir

[persóna, 15.1.2009 kl. 16:47]

 Æ, geturðu ekki brugði fæti fyrir eina og nælt í hana til framtíðar?

[persóna, 15.1.2009 kl. 16:48]

p.s. Einhvers staðar verða konur að fá að pissa!

[Brynjar Jóhannsson, 15.1.2009 kl. 22:54]

Það er spurning :) ... Persóna.

Sigrún ..

Hvað kallar þú ef manneskja horfir til þín ? og svo er það annað

Ég hef aldrei kallað þig Álfdrottningu... ég hef bara kallað þig SYKURSÆTA-STELPURÓFUSTÖPPU

á því er regin munur.  

[Jónína Dúadóttir, 16.1.2009 kl. 08:22]

[Kristinn Theódórsson, 16.1.2009 kl. 14:18]

Góður ;)