10 mestu hrollvekjur íslendinga undanfarin mánuð eða svo.

Við íslendingar eigum þátt í tíu meiri hrollvekjum í síðasta mánuði en allar hrollvekjur Bandaríkjanna samanlagt. Alvöru spennitryllir hefur verið upp á pallborðum umræðnanna, nánast upp á hvern einasta dag sem hefur fengið hárin til að rísa hjá rólegasta jafnaðargeðs fólki

 

10 mestu hrollvekjur íslands

undanfarin mánuð 

 

1.  Ávarp forsetisráðherra. Spennuþrunginn sorgartryllir þar sem lýst er yfir að komið sé að ögurstundum Íslandssögunar og lífsbaráttan muni harðna óðfluga á komandi tímum. Að úrásinn var bara dýrt spaug sem hafi ekki einu sinni verið fyndin og nú sé komið að skuldadögum.                                                                                              
   
2.  Rússneski austanroðinn kemur okkur frónfíflunum til hjálpar og bíður fram hjálparhönd. Reyndar ánægjuefni fyrir mig... en hlýtur að vera skelfileg lífsreynsla fyrir hægri mann með mjög "mccartnayískar" hugmyndir.
   
3. Hryðjuverkalögin sem sett voru á Ísland af hálfu enskra valdavitleysingja. Ótrúlegur frasi sem ekki sér enn fyrir endann á. Í raun er sú hrollvekja enn í gangi og engin veit hvort hún endi vel eða illa.
4.  Krónan fór neðar en til helvítis og náði alla leið niður á botn alþjóðagjaldeyrissjóðsins.
5.   Ísland er talið vera haldið óöryggis-óráði og nær því ekki inn í öryggisráðið. Draumur Ingibjargar Sólrúnar um að ísland verði ábyrðarríki framtíðarinnar orðinn að martröð. 
6.  Bankarnir ríkisvæddir og fara í raun á hausinn.
7.  Fólki er sagt upp í umvörpum í samfélaginu sökum samdráttar. Atvinnuleysi er orðið gígantíkst hjá fólki sem er auglýsingahönnuðir að mennt og arkitektar nú þegar sem dæmi.  Umfjöllun erlendis um Ísland erlendis fer breytist úr gleðifrásögnum um sérvitringa í niðrandi harmleik. 
8.   Íslenskir ríkisborgarar lagðir hálfpartinn í einelti í bananaveldum eins og Danmörku. Þeim er neitað um afgreiðslu og bannað að kaupa vörur í búðum. De danske bank heldur inni peningum frá Landsbankanum sem Landsbankinn á.
   
9. Helstu samstarfsaðilar í alþjóðaviðskiptum bregðast
   
10.  Ísland nær bara jafntefli við Noreg í handbolta. Skelfileg niðurstaða en reyndar réttlætanleg því Noregur er með eitt af bestu handboltaliðum í heiminum og við vorum að keppa á þeirra heimavelli sem er algjör ljónagryfja. 

10 bestu hrollvekjurnar fyrir Hrekkjavöku

Athugasemdir

[Jónína Dúadóttir, 1.11.2008 kl. 20:41]

Góður

[Doddi - Þorsteinn G. Jónsson (IP-tala skráð) 1.11.2008 kl. 20:48]

Frábær listi - algjör snilld!! Sammála Gunnari.... Davíð hefði átt heima á listanum!

[Brynjar Jóhannsson, 1.11.2008 kl. 23:38]

Jónína... Takk fyrir það

Doddi og gunnnar..

ég var með hann á listanum ... en svona Eins og með MINNISBLAÐIÐ hans Villa Vill ... þá bara hvarf hann enda nóg af taka