Samfélag innistæðileysunar. Næstum því þjóðinn.

Við búum í landi innistæðuleysunnar þar sem sendiboðar sannleikans eru skotnir  en fals-messíasar eru heiðraðir sem hetjur. Ekki nóg með að það er ekki næg innistæða fyrir skuldum ríkisins í dag þá er ekki heldur næg innistæða fyrir orðum okkar.  Nú þegar góð ráð eru dýr er mikilvægt að innistæða sé fyrir orðum fólks og menn sjái á svörtu á hvítu hver sé í rauninni alvörumanneskja á vorum tímum. 

"Brynjar þó ert einhver vanmetnasti maður sem ég hef nokkurn tíman kynnst"

Sagði Kári Magnússon vinur minn við mig.

Getur verið að það sé innistæða fyrir þessum orðum ágæts vinar míns ?

Til þess að athuga hvort það sé raunin, hef ég ákveðið að sýna bloggvinum mínum texta sem ég orti löngu fyrir árið 2002 en textinn heitir fígúrur lífsgæðakapphlaupsins en hann kom út á geisladisknum Næstum því maðurinn. Þar sem mér er löngu orðið ljóst að íslenska bókmenntaóvitaþjóðin kann ekki að lesa rétt úr hlutum þá ætla ég að flytja þetta ljóð með textaskýringum. 

Fyrsta vers...

  er klappstýra lífsgæða kapphlaupsins hvetjandi styður
sinn kappa sem bíður í rúmi að vekjarinn flauti
Þá Barbí er barinn en Ken hann er urðaður niður
með bókhaldareikningum lögmanns og gjaldkera tauti
grasasni tískunnar gulrætur sölumans bryður
sem gráðugan Mammon í bæn sinni þrálátt tilbiður

Ef þið lesið þennan texta og berið hann síðan við það sem er að gerast í dag.. þá sjáið þið á svörtu og hvítu hve orð mín eru sorglega sönn.  Þetta er nákvæm lýsing á tíðarandanum í dag og af því hvernig Skuldsett fólk er að koma sér í þrot. Vissulega ýkt lýsing enda er þessi texti háðsdeila.

annað vers 

 
og bjallan hún glymur og Súpermann setur upp skikkjuna
sem svífur af stað fellur strax ofan í valinn
og kúrekar viðskiptalífsins þeir berja í bikkjuna
sem ber þá af stað eins og eimreið um táradalinn
og konungur hégómans fellur í hengingarlykkjuna
og hrókur alls fagnaðar sekkur í alkahóldrykkjuna

Hvert einasta orð þarna hefur orðið að veruleika sem ég skrifa. Grátbrosleg háðsdeila mín er orðinn að raunverulegum harmleiki og eru orð mín svo sönn að ég trúi því varla sjálfur. Súbermanhetjurnar eru farnar í valinn og kúrekar viðskiptalífsins hafa riðið okkur beina leið ofan í táradalinn. 

Þriðja vers 

 
Steinrunnar verkalýðshetjurnar vakna úr dvala
sem vonast um bættari lífskjör í tvístraðri einingu
og karlinn í kotinu hleypur að verðbréfa sala
og kaupir sér hlut í íslenskri erfðargreiningu
snobbhænur lyfta upp nefi og lofthanar gala
er um lífsgæðakapphlaupsins ávinning byrja að tala

Í þessu versi lýsi ég þegar verkalýðurinn fór að sundrast í einingar til að vonast að þeir fái betur borgað en sessunautur hans (söguleg staðreynd sem átti sér stað um árið 2000) . Ég er sem sagt að fara í hlutverk Erró og vinna út úr því sem ég sá í samtímanum á þeirri stundu. Ég tala hér um verðbréfaæðið sem byrjaði með Íslenskri erfðargreiningu sem var jú fyrsta verðbréfabólan sem sprakk. Hvert einasta orð sem ég segi hér er enn og aftur  sorglega satt.

Fjórða vers 

 
og lýðurinn glottir og kóngurinn vandar ei kveðjurnar
er karlinn í brekkunni skrattanum skemmtir með ssöngvum
og riddarar íhaldsins taka úr slíðrunum sveðjunnar
sem slá mót lágstéttar hermaurum höktandi í söngvum
er skjaldbaka hversdagsins sporar nær spektlaus um leðjuna
einn sparigrís bætir við hlekkjum í verslunarkeðjuna

Fyrstu tvö versinn fjalla um þegar Davíð (kóngurinn) lýsti yfir vantrausti á Árna Johnsen en eins og við vitum fór Árni (kallin í brekkunni) ekki vel í miðju lífsgæðakapphlaupinu þegar komst upp um hann í byko á sínum tíma. Þarna skít ég föstum skotum á íhaldið og hvernig þeim tókst að halda fólki með hræðsluáróðri eins og að þeim einum væri treystandi fyrir að stjórna landinu.

athyglisverðasti púngtur textans er sá síðasti  hlutinn. 

"er skjaldbaka hversdagsins sporar nær spektlaus um leðjuna
einn sparigrís bætir við hlekkjum í verslunarkeðjuna"

Í þessari textalínu segi ég nánast orðrétt hvernig þetta var... Á sama tíma og við venjulega fólkið lifðum á okkar hóværu launum ... þá fór Bónus í útrás og safnaði að sér gríðarlega mörgum fyrirtækjum.

"Ekki voru það skáld mikillar þjóðar"

sagði Steinn Steinarr á sínum tíma þegar hann var inntur eftir hverja íslenska þjóðinn upphóf sem sínar helstu "orðfáka". Ég get ekki verið meira sammála þessum ritsnillingi sem er eitt af mínum uppáhalds skáldum.  

Ég hef alltaf verið SENDIBOÐI SANNLEIKANS. 

og

Auðvitað hatar ýmislegt fólk mig eins og spönsku pestina

því að

Í SKÝJABORGUM BLEKKINGARINNAR ER SANNLEIKURINN SAGNA VERSTUR.

 

 

 Brylli.com 

 

Athugasemdir

[Kreppumaður, 9.10.2008 kl. 20:30]

Ertu vissum að þú sért vanmetinn?

[Brynjar Jóhannsson, 9.10.2008 kl. 20:55]

Það finnst allaveganna Kára vini mínum ...

[Kreppumaður, 9.10.2008 kl. 21:34]

Tek undir það með Kára, fólk er ekki beinlínis að hrósa textanum þínum hérna í athugasemdakerfinu!

[Brynjar Jóhannsson, 9.10.2008 kl. 21:38]

Eins og ég segi kreppumaður...

sannleikurinn er sagna verstur.

[Lárus Gabríel Guðmundsson, 9.10.2008 kl. 21:41]

Spádómsgáfa Nostradamusar koðnar niður í skít og ekki neitt við hliðina á opinberunum þínum kæri vinur !

Polkakveðjur að sunnan !

[Brynjar Jóhannsson, 9.10.2008 kl. 22:03]

hahahahaha  

það er nú kannski orðum aukið....  

En takk fyrir kveðjunar elskulegur vinur.

OG LENGI LIFI POLKAÐ

ELSKULEGI FÉLAGI.   

[Kreppumaður, 9.10.2008 kl. 22:19]

Sko einn sem skilurð þig.  Það er heill klúbbur!!!!

[Brynjar Jóhannsson, 9.10.2008 kl. 22:35]

Ég veit ekki hvort ég hafi innistæðu fyrir þessu hjá Honum lalla vini mínum .... það hlítur að vera einhver millivegur elsku kreppumaður...

Annars er GLERBLÁSTURMEISTARINN Lárus Guðmundsson... höfðingi.. með falleg hjartalag.

[Kreppumaður, 9.10.2008 kl. 22:40]

Gæti sem best trúað því að hann væri góður drengur...  Og þú líka, svona inn við beinið...

[Brynjar Jóhannsson, 9.10.2008 kl. 22:48]

Við erum GÓÐU GÆJARNIR KREPPUMAÐUR.... Ég þú Lárus og nokkrir aðrir.

Við erum GÓÐA GENGIÐ sem göngum teinréttir á meðan KRÓNU-GENGIÐ ( bankaliðið) ER hægt og bítandi að verða KRIPPLINGAR. 

En eins og þú veist elsku Kreppumaður...

þá sigra góðu gæjarnir bara í bíómyndum. 

[Kreppumaður, 9.10.2008 kl. 22:50]

Bíddu.  Vil sko ekkert vera í þessum góðu gæja klúbb.  ég er með skírteini sem sýnir að ég er ævimeðlimur í félagi vonalausra undirmálsmanna og ætla mér að vera þar áfram. 

[Brynjar Jóhannsson, 9.10.2008 kl. 23:14]

JÁ en..

ef KREPPIR VIRKILEGA AÐ elsku heimskreppumaður ....

þá mun ég birtast þér eins og ROÐIN Í AUSTRI og bjarga þér á þínum helstu ögurstundum.  það er nefnilega ALLTAF GOTT AÐ EIGA GÓÐA  VINI Á KREPPUTÍMUM. Sér í lagi þegar er verið að uppnefna einhvern sem hryðjuverkamann. 

Þá mun DR.bryll koma og yfirtaka leiðindinn með sannkölluðum hressleika sem mun breita blýþungum "kreppusvipi þínum"  í glitrandi "sólskynsbros."

Með kærri kveðju

Dr.bryll

Gleðibankastjóri íslands Rússlands  

[Jónína Dúadóttir, 10.10.2008 kl. 06:18]

[www.zordis.com, 10.10.2008 kl. 18:08]

Ekki dónalegt að fá þig sem Gleðibankastjóra .....

[Fríða Eyland, 14.10.2008 kl. 17:50]

hæ