Gráðugi maðurinn og heilladísin Lukka.

Er ég kom heim til mín á Sunnudaginn með fullan matarpoka og vonaðist ég að birðir næðu að endast í tvo daga. Eitthvað hef ég misreiknað mig því matarbirðir dugðu eingöngu í einn dag. Ástæðan er ekki mér að kenna heldur erfiðum vini sem engin þekkir nema ég. Iðulega  heimsækir þessi félagi minn á síðustu og verstu tímum gagngert í þeim tilgangi að gera mig að öreiga. Ég veit ekki hvort þið kannist við þennan náunga en umnefndan mann kýs ég að kalla"gráðuga ósýnilega manninn".  Í morgun var ég sannfærður um að ég ætti kornamat og varð það mér því örlítið reiðarslag þegar ég komst að því að maturinn væri búinn. Mér til lítillrar skemmtunar komst ég að því að ósýnilegi vinur minn hafði étið mig út á gaddinn án þess að láta mig vita.

-sko þetta er ekki mér að kenna

Næstum því hverja einustu helgi tekst ósýnilega vini mínum að tæma budduna mína á ógnarhraða. Eftir aðeins "nokkrar" bjórkollur er huldumaðurinn búin að drekka af mér alla peninganna og ég neiðist til þess að fara heim á leið löngu áður enn ballið nær að byrja.

  Ekki benda á mig heldur hann ------------>   <---------------

 

 Síðustu mánaðarmót sá ég að þessi hulduvera mín var að komin með vinnu. Verr og miður hafði hulduveran fengið sér starf sem innheimtuböðull hjá skattinum og brá á það ráð að rukka mig um allt of mikin skatt vegna þes að ég gleymdi að skila inn skattkorti.

Ég skilaði ekki skattkortinu er vegna þess að þessi ójáanlegi fantur faldi tölvuna fyrir mér.

Núna er september varla hálfnaður og ég neiðist að fara að hugsa mig þrisvar um hvernig ég á að komast af til næstu mánaðarmóta. Allt vegna þessa ósýnilega gráðuga vinar míns og leiðindahrekkja hans. Atburðum sem hann kom í kring sem eru engan vegin mér að kenna þó allir haldi það nema ég.

 

Haukur í horni.  

 Ekki hef ég teljandi áhyggjur af þessum óvæntu fjárhagskröggum mínum því ég á mér einnig mjög góða ósýnilega vinkonu. Heilladísin "Lukka" hefur þann sið að koma alltaf inn í líf mitt þegar ég er við það að fara í þrot og kemur mér aftur á réttan kjöl. Á einhvern ótrúlegan hátt færir hún mér seinheppni og bjargar mér á einhvern óskiljanlegan máta. Mér skylst reyndar að "Lukka"  muni færa mér peninginn aftur frá skattinum um næstu mánaðarmót sem "ósýnilegi gráðugi maðurinn" tók af mér tvo síðustu mánuði. Ef ég þekki mína konu rétt þá mun henni takast að bjarga mér út þennan mánuð með einhverjum undraverðum hætti og leysa minn vanda á elleftu stundu eins og henni einni er lagið.   

Sannið bara til ...

Ef ekki þá hringi ég bara í mömmu eða pabba og  væli út matarpoka. 

 

Eigið góðar stundir. 

 

Athugasemdir

[Agný, 9.9.2008 kl. 00:14]

Ég verð að játa að ég þekki bæði hana "Lukku" og kannast aðeins við hinn...Sem betur fer hefur Lukka alltaf á einhvern undraverðan hátt haft vinninginn en naumlega þó...

[Sema Erla Serdar, 9.9.2008 kl. 00:16]

Þú hefur verið klukkaður...

[Jónína Dúadóttir, 9.9.2008 kl. 06:24]

[Helga Magnúsdóttir, 9.9.2008 kl. 11:22]

Óskemmtilegir fýrar þessir huldumenn. En má ég  benda þér á, í allri vinsemd vitanlega, að seinheppni þýðir einfaldlega óheppni þannig að ég skil ekki hvaða gagn þú hefur af því að "Lukka" sendi þér seinheppni.

[Brynjar Jóhannsson, 9.9.2008 kl. 12:55]

 agny

Gott að heyra .... að ég sé ekki einn um að eiga þessa vini...

Sema.....

Ég geng í verkið á eftir

Jónína

Takk fyrir innlitið.  

Helga...

Seinheppni...

eins og ég skil orðið.... þá er maður sem SEINT HEPPNIN... þá er það heppni sem kemur á elleftu stund. T.d einhver sem kemur sér í bobba en reddar sér síðan út úr því..... 

reyndar ætla ég að tjakka á því hvort ég sé að fara með rétt mál.. Mér var kennt orðið á þennan hátt en sé að það getur nátturulega líka þýtt maður sem verður síðst af öllu heppin. 

[www.zordis.com, 9.9.2008 kl. 13:04]

Lukka er draumadís sem hugsar vel um okkur.  Gangi þér vel í baráttunni við þennan gráðuga og afvegaleiðandi huldumann ....