Miðbæjarrotta sást á ferli við Réttarholtsveg.

24.4.2008 | 09:09

Miðbæjarrotta sást á ferli við Réttarholtsveg.

Mikil skelfing greip um sig meðal nágranna Réttarholtsvegar þegar miðbæjarrotta sást þar á gangi í gær. Til að gæta öryggis nelgdu íbúendur fyrir glugga og læstu börnin sín inni í kústaskáp. Hús í grendinni við miðbæjarrottuna voru rýmd og íbúendur þeirra flúðu út á land í kjölfarið. Hringt var samstundis í meindýraeyðirinnn því víkingasveitin var önnum kafin við það að lumbra á vörubílsstjórum annarsstaðar í bænum. Þegar meindýraeyðirinn kom á svæðið hafði miðbæjarrottan fengið sér sæti við bekk og var greinilega ekkert á leiðinni að færa sig.

"Þetta kvikindi var tröllvaxið, eða um 190 centimetra og svo þegar við reyndum að sparka í það þá reif þetta óargadýr bara kjaft" sagði einn íbúandi við Réttarholtsveg og var greinilega ósáttur við það að fá þennan óvænta aðskotahlut í hverfið sitt.

" Ég hef bara aldrei lent í öðru eins, einhverra hluta vegna varð þessi lúsablesi eitthvað hörundsár þegar ég ætlaði að sprauta framan í hann táragasi en álpaðist loks burt þegar ég beindi að honum haglabyssu" Errm sagði meindýraeyðirinn í viðtali við mig skömmu eftir að hafa lokið þessari gáskafylstu sendiferð æfi sinnar af.

Að endingu flúði miðbæjarrottan af vettvangi og fór beina leið inn ofan í miðbæjarholuna sína.

"Ég hefði nátturulega helst viljað farga kvikindinu en verr og miður stendur í dýraverndarlögum að það er stranglega bannað að drepa miðbæjarrottur jafnt sem partíljón." Woundering Sagði meindýra eyðirinn að lokum alvörugefin og bölvaði því að ríkisstjórnin skuli ekki gera neitt í málinu eins og t.d að gefa skotleyfi á þessi kvikyndi.