nýja Icesavenefndin lofar góðu.

............  samninganefnd icesave hefur borist liðsauki.

Þessi liðsmaður icsesavenefndarinnar hefur nákvæmlega ekkert með stjórnarandstöðuna að gera eða hvað þá Indefensehópinn. Eins og þið væntanlega vitið öll þá er þessi liðsauki icsavenefndarinnar umræddur samningarmaður Herra "Eyjafjallajökull" og verður ekki annað sagt en að honum sé heitt í hamsi.

 

 -Ef þið eruð eitthvað að rífa ykkur þá vek ég "Kötlu" systur mína og þá fyrst fáið þið að finna til tevatnsins - bannsettu skítableyðurnar ykkar . 

 

Hvíslaði Herra Eyjafjallajökull að bresku samninganefndinni núna í síðustu viku og bölvaði henni í "sand og ösku". Þegar ljóst var að samninganefndin lét sér fátt um hótanir "Jökuls" finnast, lét "eldhuginn" kné fylgja kviði og setti farfluttningsbann á Bretland og einnig Noreig-fyrir að að vera ekki bræður okkar á ögurstundu. Hann stöðvaði flug til og frá þessum samfélögum og ef þau fara ekki að bæta ráð sitt mun hann sjá til þess að koma þessum samfélögum á hausinn. Hann er bara rétt að byrja og hefur nú í hyggju að gera slíkt hið sama við alla evrópu. 

 Hann er byrjaður að vekja Kötlu systur sína og er hún þegar farin að rumska við sér. Þegar Katla verður loksins komin á lappir - þá má heimurinn fara að að vara sig..

 

Hlaup rauf varnargarða í Fljótshlíð

Má vera að þetta sé svokallaður froðusnakkur ?

 Í frétt mbl.is  stendur

"Bandaríski vísindamaðurinn Gary Hufford sem starfar hjá veðurstofu Bandaríkjanna í Alaska  segir í samtali við AP fréttastofuna að þegar Katla gaus árið 1755 hafi íbúar Bandaríkjanna þurft að þola mikinn frostavetur. Til að mynda hafi Mississippi verið ísi lagt allt að New Orleans auk þess sem sérlega kalt hafi verið á austurströndinni"

Ef Bandaríkjamönnum stafar svona mikil ógn af íslenskum eldfjöllum- afhverju gerðust þá ekki miklir frostavetrar í kjölfar hinna gríðurlega nátturuhamfara sem gerðust undir Vatnajökli árið 1996 ? Og þó svo að frostavetur hafi átt sér stað í Bandraíkjunum árið 1775- hvernig í ósköpunum er þá hægt að tengja þær frosthamfarir við þetta kötlugos með óyggjandi sönnunum ?

í það minnsta er ég stórlega efins um að vísindamenn séu einhuga um þessa kenningu Gary Hufford og finnst mér hún bera bragð hræðsluaróðurs sem takmarkaður fótur er fyrir. Mér þykir verra ef verið að gera frétta mat um ísland af líkindum og hefði viljað að svona dylgjum væri svarað eins og skot.

Það er líkast til hægara sagt en gert-því fjölmiðlastöðvum eins og Fox er skítsama um sannleikan.

Miðað við hvað vísindamenn virka almennt varkárir í yfirlýsingum sínum þá þykir mér þessi bandaríski kauði ansi digubarkalegur og full mikið staddur með hausinn uppi í rassgatinu á sjálfum sér. 

Umheimurinn hræðist Kötlugos

Ég vil fá alvöru nátturuhamfarir

Áhugi minn fyrir gosinu í Eyjafjallajökli er mikill. Raunar svo mikill að eg óska mér "eldgosheitast" af öllu að fjölmiðlar sendi einhvern snarbilaðan myndatökumann sem næst spúandi gígnum. Mér finnst  myndefnið verið hálf píslalegt sem er af þessum nátturuhamfarastað og mig kitlar í að sjá eitthvað meira krassandi en myndatökur sem eru úr órafjarlægð.

Nóg er nú til af blaðamönnum sem eru til í að leggja það á sig að fanga augnablik eldgoss og því ekki að senda einn myndatökubrjálæðing sem næst gígnum til þess að svala forvitni okkar hinna sem fylgjumst spennt með hverri frétt sem birtist á netinu ? 

Allavega býð ég spenntur og ef satt skal segja ... þá vonast ég til þess að það fari að gjósa í Kötlu á sama tíma og landið fari gjörsamlega "hamförum". Ég er nátturulega ekki að biðja fyrir einhverjum manndrápskveðjum af hálfu móður nátturu en verð að viðurkenna að mér þætti mikilföngulegt að sjá eitthvað sem gerðist í anda Vatnajökuls fyrir meira en áratugi síðar.

það er langt um skemmtilegra að fylgjast með þessu... heldur en þessari bandsettu lýðbrumarapólitík á íslandi

Tilkomumikið og stórfenglegt

Ljósmyndasýning á Mokka.

Þetta eru nokkur ljóð sem ég var með við Ljósmyndir Veru Pálsdóttur... sem er núna með sýningu á mokka.

 

 

Bý inní himnesku hugmyndaríki

Í heimi sem veitir mér daglega skjól

Heilun sem verndar gegn sálrænni sýki

Og sefar hin hamslausu klukknanna hjól

 

Lifi í jarðneskum heimi til hálfs

Og hinn partinn innan í tilvist míns sjálfs

Ofan í djúpi sem aðeins er til

Innan í bólu míns tónlistarspils

Hljóms sem ég skynja við skil

Í skapandi miðju míns hugmyndabyls

 

Vinn þar sem hönnuður dynjandi drauma

Dansa sem breytast úr órum í raun

Skapari eldheitra ástríðuflauma

Sem enda að lokum sem fastmótað hraun

 

Lifi í jarðneskum heimi til hálfs

Og hinn partinn innan í verund míns sjálfs

Ofan í huglægu djúpi míns draums

Og dynjandi fljóti hins skapandi straums

Punkti míns glaðlynda gaums

Sem gefur sig allan til líðandi glaums

 

Innra með sjálfri mér hlust’eftir hljóði

Er heyri í orðum úr draumkenndu ljóði

Fiðlara leika á stóíska strengi

Og stórhljómsveit spila af frjóu listfengi…

Til

mín frá mér simfóníu

- Mér til mín Útópíu

 

 

- Ljóðfuran óx

- kringum dauðvona tré

- í grámyglulegum skógi.

- Þar sem andrúmsloftið var hugmyndasnautt

- og haustið eina árstíðin.

- Jarðvegurinn var grýttur og ástin geislavirk.

-Hún var upphafið á grænni tíma og endalok anddeyðunar.

-Hún dúxaði í prófraunum nátturunnar og var því komin til að vera

 

Stödd inni í heimi - hins sturlaða manns

Stíg við mig sjálfa - þar darraðardans

Rétt eins og bandalaus flugdreki flýg

Í foki - við steingrýttan - ógæfustíg

Finnst eins og húsin þau hlæi að mér

Himinninn glotti - er götuna fer

Golan hún flytji mér - vitfirrtan vals

Er Væntingarborgin - hún riðar til falls

 

                                                                                                        

Alls staðar- hún eltir mig

Eins og - gömul vofa

Gegnum - bláköld breiddarstig

Bergrunnin - af dofa

 

Undir - eyðimerkursól

Yfir - þurra sanda

Inn um - niðdimm næturból

Napurra - draumalanda

 

Man ég - hitti hana fyrst

Í- hjarta - næturglaumsins

Sauðdrukkin - og sopaþyrst

Í sælu - mannhafsstraumsins

 

Nóttin - hún var niðurlút

Náðarlaus - í lundi

Er ég - elti hana út

Inn að - húsasundi

 

Angaði - sem ilmvatnslögg

Er ég - horfði á hana

Veitti - síðan viðarhögg

Varð - henni að bana

 

Og svo er hérna lag... við eina myndina að lokum .

 

 

 

 

 

 

 

 

 

Lag á ljósmyndasýningu.

 

 

 

Þetta lag má finna á ljósmyndasýningu Veru Pálsdóttur.

 

 Birna Einarsdóttir annaðist grafíska hönnun sýningarinnar

 

en ég- Brynjar Jóhannsson sá um textagerð hennar.

 

 

 

 

Herra núll og nix

 

Hvernig myndi þér lýða ef þú kæmist að þeirri staðreynd, að þú ert einhver annar en þú ert ?Þú værir staddur í bankanum þegar þetta sannleiksljós rynni upp fyrir þér, er gjaldkerinn neitar að afgreiða þig.

 

 -Því miður en þetta skilríki er ekki af þér

 

- ha hvað áttu við ?

 

- Já og Samkvæmt kennutölunni ertu ekki einu sinni til.

 

- Já en ég er búinn að nota þetta skilríki í fjölda mörg ár...þetta getur ekki verið

 

 Þú ferð inn á Hagstofuna til þess að komast að hinu rétta og þá fyrst færðu taugaáfall. Þú gerir þér grein fyrir því að þú ert í raun og veru ekki til og hefur aldrei verið það. Samkvæmt Hagstofunni fæddist þú aldrei og hafðir því aldrei gengið í skóla. Þú útskrifaðist ekki sem stúdent frá Menntaskólanum í Hamrahlíð né starfaðir sem endurskoðandi í öll þín ljúfu fjölskyldu ár. Börnin þín eiga í raun og veru engan föður og konan þín hefur verið einstæð í allan þann tíma sem þið hafið verið saman.

 

-Þitt rétta nafn væri ekki Guðmundur Pálsson bókari- heldur Herra Núll og nix. 

 

Þökk sé athugulum starfsmanni Hagstofunnar, komst hann að því að þú hafir aldrei fæðst né lifað. Öll þín tilvist væri einn tröllvaxin misskilningur og þú yrðir því vinsamlega að gangast við þessari leiðréttingu. Þú yrðir að útskýra fyrir konunni þinni að börnin þeirra hafi orðið til úr "engu" og tjá vinum þínum að þú sést í raun og veru ímyndun þeirra.

Loksins loksins lokins.... Hefðir þú fundið tilgang lífs þín og það sem þig hafði alltaf langað til að vera. Þér langaði aldrei menntast né eignast börn og taka við fyrirtæki föður þíns. þér langaði alltaf að vera það sem Hagstofan álítur þig.- Ekki neitt...

Loksins loksins loksins...  Upplifðir þú vinnuframtak þitt eftir raunverulegum verðleikum og sæir hvað þú ert í augum barna þinna.

En verr og miður. Sökum ákveðni eiginkonu þinnar yrðir þú að fara aftur inn á Hagstofu og "leiðranga þessa leiðréttingu". Þú yrðir gangast við þínu fyrra lífi og börnum- ellega myndir þú svelta í hel.

 

 

 

Nú er mér öllum lokið! !"#$%&/()=

 

 Er Börgólfur Thor Björgólfsson ekki einn af fyrrum eigendum Landbankans?

 

Er þessi fjármálaóreiðumaður því ekki þess valdandi að skuldarklafi sé í fremsta hlunn að falla á íslenska samfélagsþegna ?

 

Hversvegna í ósköpunum eru eigur hans ekki gerðar upptækar og færðar Bretum og Hollendingum ?

 

Og afhverju í andskotanum fara ekki Bretar og Hollendingar- fyrst í kröfumál við Björgólf Thor Björgólfsson og rígja hann peningalega inn að skynni áður en þeir krefja íslendinga um pening ?

 

Hversvegna er þessum stórþjóðum svo mikið í mun að knésetja sauðsaklausan íslenskan almúgamanninn en siga ekki öllum sínum færustu skattböðlum á þennan mann 

 

 Það er eitthvað mjög... mjög... mjög... mjög... mjög... mjööööööööööög myglað mjöl ofan í skuggahornum viðskiptaheimsins og þá sérstaklega hja Bretum og Hollendingum ef þeir láta þennan mann leika lausum hala...En siga á íslensku þjóðina öllum sínum svívirðilegustu samningaúlfum.

 

Ég tel það skilyrðislausa heimtingu íslendinga að hver einasta króna þessa mans verður gerð UPPTÆK og í það snarasta. Sama á við alla þessa fjármálaóreiðumenn - Jón Ásgeir og alla hina.

 

 Ég legg því til að við ráðum Vladimýr Pútín til þess að aðstoða Evu Joly við rannsókn á íslenska bankahruninu. Eva sér um lagalegu hliðina en pútin sér um að gera eigur þessara manna upptækar. Pútíni tókst nefnilega að hrifsa undir sig eigur olíugreifanna með ákaflega harkarlegum hætti á sínum tíma og er því óumdeilanlegt að hann sé manna hæfastur til starfans.

 

Þá gætum við þakkað honum fyrir Pútin fyrir vel unnin störf, selt síðan eigur þessara manna til kröfuhafa og látið þá sem þeim skulda að yfirtaka fyrirtækin þeirra.

 

 

Björgólfur að missa Actavis

Njótið vel

gjörið svo vel... hér er diskurinn minn Martrðaðaprinsinn á torrent - látið sem flesta heyra

 

 

hér

Lausn sem mætti nota hérlendis- að sekta fólk eftir tekjum.

Leið íslendinga út úr fjármálakreppunni er ofureinföld. Hún hefur ekkert með hvernig við borgum hinum enska skuldaguði æsseif- heldur felst hún í að búa til eineltisreglur um útrásavíkinga. Regluverkið væri ansi kræfið og snérist aðalega um að lögreglan hefði vald til þess að snúa upp á handleggin á þeim út af minnsta tilefni.  

Björgólfur hér með ertu handtekin fyrir að vera í ósmekklegum fötum.

 

Já en það er ekkert sem bannar það

 

Samkvæmt 3 grein eineltislaga um klæðaburð islenskra frjármálaóreiðumanna- má útrásavíkingur ekki vera ósmekklegur

 

Já en ég er ekkert

 

ABB BABB BABB ÞEGIÐU FÍLFIÐ ÞITT ...í tukthúsið með þig 

 

Fyrir héraðsdómi væri Björgólfur síðan færður í járnum og þar væri ekki tekið á þeim kauða með einhverjum vettlingartökum heldur þvert á móti. Reglur væru með þeim hætti að hann gæti sér enga mótvörn veitt og neyddist því að taka afleiðingum þessara fráleiddu en sanngjörnu laga. 

Björgólfur- þú er hér með dæmdur til að borga fimmhundrað milljarða fyrir að vera í einkar ósmekklegum fötum og hafa gleymt að hafa reymt á þér skóna og þar að auki til 24 ára klósettþrifa á Hlemmi.
Myndi dómarinn segja við Björgólf og kýla hann algjörlega  á óvart í "hreðjarnar." 

Málið leyst og íslendingar lifðu í vesæld til æfiloka.

Þarf að greiða 32 milljóna kr. umferðarsekt

Herra allt of hress

Betrum bætt útgáfa.......

 

 

Á mánudegi byrtist okkur herra allt of hress
sem hafði gleymt að klæða sig í vanabundið daglegt dress
á Adamsklæðum einum saman gangandi um Reykjavík
Sáum hann með stirnað bros að bíða í langri röð
í bíl sem var hans hugaróri fyrir framan þvottastöð
Á Adamsklæðum einum saman- algjörlega upp úr þurru

skellihló

misti sig af kæti

skellihló

sér kunni ekki hóf

skellihló

og mannorðið í götu sína gróf

Við- huldu fólk og framliðna- þar maðurinn munnhjóst
Missti stjórn á skapinu- og síðan við sig sjálfan slóst
Á Adamsklæðum einum saman- Kleppshæfur og fjarri sér
Ýmyndaði bíllinn hans var orðin bensínlaus
hann bölvaði því sjálfum sér- gjörsamlega virtfyrt raus
Á adamsklæðum einum saman
maðurinn á nokkurs viðnáms

 skellihló

misti sig af kæti

skellihló

sér kunni ekki hóf

skellihló

og mannorðið í götu sína gróf