Dagur hinna forboðnu óhappa.

 

Föstudagurinn 13

 

 

Þrettánda föstudagsmorguninn fór
á fætur er vegghilla yfir mig hrundi
rúmið féll saman- ég rann niður á gólf
þar rankaði við mér -úr draumkenndum blundi
hrópaði því að ég- hnakkanum rak
harðlega á jörðina- trekktur á taugum
tognaði í læri- í tunguna beit
og tómlega starði -með pírur í augum
Vekjarinn hringdi -með hávaða um leið
með herkjum á skjálfandi - fætur ég skreið

og klukkan var 7-9-13
1-2-3

Ég gleymdi að krossa mig og berja í borðið
banka þrisvar segja leyniorðið

Fékk síðan raflost er rakaði mig
risti til blóðs og gargaði út tárum
Brenndist í sturtu á bakið ég féll
baðsápan sviðnaði nýopnum sárum
Saltaði kornfleks- með súrnaðri mjólk
er smakkaði af skeiðinni- yfir mig ældi
Lamdi í borðið- sem brotnaði um leið
og þá brákaðist höndin -og sárkvalin vældi
Rak mig í hillu og rann niður á gólf
er reyndi að hringja í 112

 

En ég hringdi í klukkuna og klukkan var

 

7-9-13

 

1-2-3

Ég gleymdi að krossa mig og berja  í borðið

banka þrisvar- segja leyni orðið. 

Athugasemdir

[Olga Hd (IP-tala skráð) 18.12.2009 kl. 15:40]

Glæsilegt ljóð hjá þér, verður lag við þetta ?

[Brynjar Jóhannsson, 18.12.2009 kl. 16:50]

Já það er lag komið Olga :)

[Lárus Gabríel Guðmundsson, 19.12.2009 kl. 03:12]

Frábært !

[Brynjar Jóhannsson, 19.12.2009 kl. 21:48]

Takk fyrir það meistari

[Anna Einarsdóttir, 20.12.2009 kl. 13:10]

Hahahaha 

Þetta er frábært !