Ég ætla að verða svona pjakkur eins og Helgi þegar ég verð stór.

Ég er ekki frá því að hann Helgi í Góu hafi öll einkenni sem þarf til þess að sverja sig inn í krúttkynslóðina. Hungangsbangsalegri mann hef ég ekki séð í lengri tíma sem er með svo fallega hugsun í þokkabót að mig langar mest til þess að knúsa hann. Fyrir utan krúttlegheitin er Helgi hugsjónarmaður sem lætur sér annt um þá sem minna mega sín og er í nöp við lífeyrissjóðssukkið sem hefur fengið að viðgangast óáreitt í allt of langan tíma.

 

 

Ekki get ég sagt hið sama um sjálfa mig

 

 

Ég er víst álitin eitt af þessum krúttum sem prýða miðbæinn og í augum einnar hnakkagellu sem ég þekki er ég oft pjakkalegri en fimm ára gamall stríðnispúki á myndum sem hún hefur séð af mér. Þó svo að ég sé ekki allsháttar sáttur við þessa fullyrðingu læt ég hana sem vind um eyru þjóta enda með ágætan humor fyrir sjálfum mér. Hitt er að þegar ég verð komin á aldur við Helga í góu er ég staðráðin að verða svona hunangsbangsi eins og hann virðist vera eðli sínu. Þá má fólk mín vegna kalla mig einn af einstaklingum krútt kynslóðarinnar en í dag vil ég að litið sé á mig sem harðneskjulegt karlmenni. Eins og þið sjáið á þessari mynd er ég hörkutól fram í ystu æsar og Karlmennskan holdi klædd. Að að halda þeim fullyrðingum á lofti að ég sé krúttlegur er nátturulega hrein og klár firra og skömm í hattinn fyrir hvern þann sem heldur slíku fram. 

 

ÉG ER HÖRKUTÓL

krúttlegt hörkutól

 

Hugsjónamaðurinn Helgi

Athugasemdir

[hnakkagellan (IP-tala skráð) 21.4.2009 kl. 17:05]

En þú ert svona Emil í Kattholti krútt með þessa húfi.

[Brynjar Jóhannsson, 22.4.2009 kl. 07:09]

það er ekki satt