Gæti mögulega átt meira við krepputímabilið en nokkurntíman áður

Á toppi heimsins 

 

Á toppi heimsins maður sat mjög hugsandi

og horfði þaðan eitthvað út í bláinn

hann bölvaði og bitur síðan sagði mér

bráðum renn ég niður eins og áinn

 

í gilinu var kona sem var sýtandi

og sagðist vera dæmd til þess að tapa

Kvaðst hún hafa gengið fjöll og firnindi

en fatast loks og endað á að hrapa

 

í hæðinni var drengur sem var hlæjandi

og horfði upp á tindinn soldið dreymin

blíðlátur og brosandi hann sagði mér

bráðum mun ég sigra allan heiminn

Brynjar Jóhannsson

Úr ljóðabókinni Demantstár sem gefin var út seint á síðustu öld.  

 

Athugasemdir

[Brynjar Jóhannsson, 15.12.2008 kl. 17:22]

Ég geri ráð fyrir að þú sést að tala um þetta texta brot gunnar

"í hæðinni var drengur sem var hlæjandi

og horfði upp á tindinn soldið dreymin

blíðlátur og brosandi hann sagði mér

bráðum mun ég sigra allan heiminn"

Læt þa nú vera.. mér finnst þetta  meira hin ÍSLENSKA BJARTSÝNI þarna á ferð. .. enda samdi ég þetta texta brot til æskaufélaga míns og upprennandi leikara á sínum tíma sem heitir Stefán Karl Stefánsson. Stefán er reyndar einn af fáu útrásarvíkingum íslendinga sem hafa ekki gert ærlega í brækunar guði sé lof og vona ég bara að honum haldi áfram að farnast vel, bæði sem barna grýla og í öðrum verðandi hlutverkum sem hann tekur að sér í AMERÍKU.