Aldrei að gera grín af GÖFLURUM ...

 

Ég viðurkenni það  þetta er mín sök .....En það er ekki mér að kenna ég fæddist svona... ég er GAFLARI.

Ég er blóði borin Hafnfirðingur og með öll gaflaraeinkenin eins og þau leggja sig. Atburðir í lífi mínu hafa oftsinnis orðið að kjaftasögum annarra vegna þess hve flippaður karakter ég er og mikið hefur verið gert grín af mínu undarlega hátterni. Til að fullkomna glens-rjómatertuna þá er ég stríðnari en andskotinn og þegar ég er í S-inu er þvælan sem hellist út úr mér viðþolslausari en Dettifoss. Ég get þá bullað meiri steypu en finnst í gjörvallri Smáralind og það fyrir hádegi á virkum degi. Verst af öllu er að ég get ekki tekið sjálfan mig alvarlega með nokkru móti. Í það minnsta yrði ég ekki neitt sérlega fúll ef einhver kokkur kenndi nemum sínum "hafnfirsku" leiðina til þess að undirstrika "heimskulegar" aðferðir í eldamennsku. 

Þetta er lítilsvirðing gagnvart okkur Hafnfirðingum ...

Er eitthvað sem ég myndi aldrei segja heldur tæki ég gríninu með léttum gleðidúr eins og sönnum gaflara sæmir. 

Þess vegna er mér algjörlega óskiljanlegt að ungverskir Skotar séu æfir út í mac-donalds því matsölukeðjan kallar ódýrasta matinn á seðlinum skoska-matseðilinn.  

Ég myndi nú bara glotta við tönn og hafa gaman að þessu.  

 

Hamborgari níska Skotans

Athugasemdir

[Jónína Dúadóttir, 5.9.2008 kl. 23:05]

Hafnfirska leiðin í heimskulegri matreiðsluÞú ert óborganlegur

[Halla Rut , 6.9.2008 kl. 22:48]

Þekki nú marga Breta (það sama og Skotar) og það er nú bara þannig að þeir eru alltaf að reyna að láta alla aðra borga fyrir sig og reyna allt til að fá allt ókeypis. Þú finnur þetta mjög fljótt með að búa þar.

Ég á nú reyndar líka nokkra svona Íslenska vini og vandamenn og læt oft undan þeim en nískupúkar fara ákaflega í taugarnar á mér.