Síðbúin erfðarskrá.

Ég er að fara út fyrir bæjarmörkin um helgina og kem ég ekki aftur í siðmenninguna fyr en á Sunnudaginn. Stefnan verður sett á Snæfellsnes og er takmarkið að ferðast með flóabátnum Baldri til Flateyja. Ástæða ferðarinnar er að félaga mínum, Kjartani Orra, datt í hug að halda upp á 30 ára afmælið sitt á með því að skreppa í útileigu. Þar sem Kjartani er vel við hávaðasekki og sorakjafti var ég sérstaklega beðin um að koma með ásamt öðrum góðum vini sem er ekki þekktur fyrir annað en að vera með fjörug skrílslæti þegar hann er undir áhrifum áfengis.Ég hyggst fjárfesta í gríðarlegu magni af áfengi og er takmarkið að vera búin að drekka hvern einasta dropa af því fyrir Sunnudaginn.  Gítar verður tekin með í þessa sérlegu sendiför um tjaldstæði á Snæfelsnesi og gripin fram til þess að halda fyrir dagprúðum túristum vöku með óvenjum miklum hávaðasöngi. "SJÚDDIRALLIREI" .  Ef röddin mín er ekki sama og horfin á sunnudaginn þegar mér verður skutlað aftur í 101 búrið mitt þá er ég ekki maður með mönnum .Reyndar á ég ekki von á því að koma aftur til baka þar sem ég á von á því að vera étin af ísbirni eða skotin af einhverjum þýskum túrista sem er komin með upp í kok á hávaðanum í mér. Þar að leiðandi hyggst ég skilja hér með eftir erfðarskrá.

Bloggið mitt.... það verður nú bara sett á uppboð.

Líkið af mér ... Sjónminjasafnið þar sem ég verð stoppaður upp sem síðasti íslenski furðufuglinn.

Tónlistin og textanir. Begga vinkona.

Íbúðin mín. verður vísað beint til föðurhúsanna. 

Góða helgi og drekkið fallega.

 

Athugasemdir

[Jónína Dúadóttir, 20.6.2008 kl. 10:07]

Góða skemmtun og syngdu fallega

[Brynjar Jóhannsson, 20.6.2008 kl. 12:34]

Já ég skal gera það Jónína... syngja eins og engill þó svo að ég hegði mér eins og skrattinn í sauðaleggnum

[Lárus Gabríel Guðmundsson, 21.6.2008 kl. 17:08]

Góða ferð vinur og blessuð sé þín minning

[Halla Rut , 21.6.2008 kl. 17:46]

Ekki deyja "it would brake my heart"

[Aðalheiður Ámundadóttir, 23.6.2008 kl. 17:43]

En hvað um reðursafnið? Þú hefur væntanlega heyrt um vöntun þar á Homo sapiens...

[Brynjar Jóhannsson, 23.6.2008 kl. 19:17]

Já meinar Það Aðalheiður .... ég held ég láti mitt heilaga vanta þangað.