Brjótum niður Zirkus

Hvað er svona merkilegt við kofabjálka eins og Sirkús ? Sumir reyna að halda því fram að þessi skemmtistaður sé hluti af íslenskri tónlistarmenningu sem verður sígildur með tíð og tíma. Baráttutónleikar eru haldnir gegn því að skemmtistaðurinn sé rifin niður og annað hús byggt upp í staðin. Ég geri ráð fyrir að það komi ekki mörgum á óvart þegar ég segi ykkur að Zirkús er griðastaður dópista og um það bil helmingur fólksins sem sækir þennan stað er á örvandi efnum.Mér er það kunnugt vegna þess að félagi minn seldi dóp inn á þennan stað áður en hann fór í meðferð. Í nokkur skipti hef ég farið inn á þennan stað og þá oftast vegna danstónlistarþyrsta vina minna. Oftar en ekki hundleiðist mér viðveran og langar til að fara enda rokkhundur að eðlisfari. Ein af réttlætingum þess að ekki megi hreifa við húsaruslinu er að Björk hafði tekið þarna upp myndband ! Það er nú eins gott að Björk hafi ekki tekið upp þetta myndband þegar göturnar á Laugaveginum voru með skurðum og vinnumenn ofan í þeim. Þá mættu skurðinir ekki lokast og vinnumennirnir ekki fara heim til sín. Ef sukkbúlla með fastakúnna sem eru mest megnis á örvandi efnum eða ofskynjunarlyfjum er skyndilega orðin menningarlegur arfur þá ristir íslensk menning vorra tíma ekki djúpt né nær hátt. Mín vegna má þessi kofi hrinja til grunna eða brenna til kalda kola, mér gæti ekki verið meira sama.Stærstur hluti mannskapsins sem stundar þennan stað ættu að drulla sér í meðferð eða fara að gera eitthvað í sínum málum. Allaveganna er ég hlintur uppbyggingu Laugavegarins og vil fá meira líf í hann. Burt MEÐ ÞESSA HELVÍTIS KOFABJÁLKA OG ÞAÐ FYRIR FULL OG ALLT.

Athugasemdir

[Gunnar Helgi Eysteinsson, 2.2.2008 kl. 17:53]

[halkatla, 2.2.2008 kl. 18:12]

ég hef aldrei komið þarna inn (sem er þannig séð alveg ótrúlegt) og hef því ekki skoðun á málinu

[Helga Dóra, 2.2.2008 kl. 19:05]

Ég er eiginlega sammála þér, þó svo að ég eigi systkyn sem bæði vinna á staðnum. Væri alveg til í að aukavinnan þeirra væri annarstaðar

Fyrir utan hvað þetta er sjúklega ljótur kofi. Mér fannst frábært þegar einhver sem er í stuðningshópnum sagði að þetta væri jafn mikilvægt í túrismanum og Gullfoss og Geysir Hef ekki vit á því, en fannst þetta hæpin staðreynd um ferðaiðnaðinn á Íslandi. En hvað veit ég,,,,,,,,,,,, hef ekki verið á djamm markaðnum í meira en ellefu ár.

[Halla Rut , 2.2.2008 kl. 21:01]

ALGJÖRLEGA SAMMÁLA ÞÉR.....

[Jónína Dúadóttir, 2.2.2008 kl. 21:06]

Innilega sammála !

[Brynjar Jóhannsson, 2.2.2008 kl. 21:29]

HAHAHAH.. furðulegt... Ég sem átti von á því að svona helmingur fólksins sem læsi þetta og kementeraði myndi verða bandbrjálað yfir þessari skoðun minni. Það sem kemur á daginn er að allir sem hafa myndað sér skoðun eru sammála mér.

Segir þetta þá ekki ýmislegt ? segir þetta okkur ekki að með verndun ýmissa húsa er ekki verið að fara eftir vilja meirihluta fólks í borginni ? Reyndar verður þessi kofi rifin sama hvað bjátar á og sama hvað hver mun segja. Fyrir mér eru það góðar fréttir, sér í lagi ef eitthvað eigulegt hús kemur þá í staðinn.

[Brjánn Guðjónsson, 2.2.2008 kl. 21:53]

er ekki íslenskt sukk hluti af menningunni?

ber okkur ekki að varðveita þá menningararfleifð líka?  

bara pæling.

[Lárus Gabríel Guðmundsson, 2.2.2008 kl. 22:09]

hmmm......ég hef ekki orðið svo frægur að koma inn á Zirkus. Ég hef heldur ekki kynnt mér í þaula menninguna sem þar ríkir, veit bara það eitt að eiturlyf finnast inn á öllum skemmtistöðum, líklega Zirkus líka eins og þú skrifar Brynjar.

Hitt er svo annað mál að mér finnst enginn mælikvarði á það hvort hús eigi að standa eða ekki hvort þau séu byggð fyrir 100 árum síðan eða í gær. Það finnst hugtak sem heitir götumynd, áður en hús eru rifin fyrir steypukumbalda ber að hafa á bak við eyrað hvað best gagnast götumyndinni....

[Marta B Helgadóttir, 3.2.2008 kl. 12:27]

Sammála þessu. 

Góð tillaga frá Dóru þarna

[Gullvagninn (IP-tala skráð) 3.2.2008 kl. 12:30]

Sammála, aldrei komið á sirkus, en þoli ekki þetta orð, gott að það er að hverfa úr fjölmiðlum og kofamyndum.

[Brynjar Jóhannsson, 3.2.2008 kl. 18:29]

Dóra.. Já það væri sniðugt að breita þessu kofarusli í kveðjubrennu..

Gunnar... skiljanlega.. enda ekkert þangað að sækja nema leiðindi..

Brjánn..Ef það á að vernda sukkmenninguna.. þá legg ég til að gerður verður minnisvarði af róna niður á lækjatorgi..

Lárus... Jú það allveg rétt hjá þér. þetta fjandans dóp er alls staðar.. Ég hef aftur á móti kynnt mér menninguna þarna og hún er ekki minn tebolli..

Marta... það ætti kannski að gera eitthvað úr þessari hugmynd

Gullvagninn... já það er kannski málið að brenna niður hús ef þau heita ljótum nöfnum?

[Helgi Þór Harðarson (IP-tala skráð) 12.2.2008 kl. 14:40]

Nei, hingað og ekki lengra. Sirkus er söguleg stofnun og heimsfrægur skemmtistaður. Það hefur verið fjallað um Sirkus í mörgum heimsfrægum tímaritum og ekki að ástæðulausu. Staðurinn hefur sérstöðu á heimsvísu, hann sker sig úr. Það sem gerir staðinn merkilegri en Kofa Tómasar frænda (sem kæmi ekki á óvart að væri aðal hang-out-ið hjá helmingi fólksins sem hér kommentar) er að úr þessu litla húsi sem hýsir Sirkus hafa sprottið margar magnaðar hljómsveitir og staðurinn fyllti upp stórt skarð í íslenskri pöbbamenningu og gerir enn fyrir fólk sem ekki fílar Thorvaldsen eða Oliver.

Eiturlyfjaneysla hefur aukist á Sirkus rétt eins og annarstaðar á Íslandi og ég fullyrði að sú aukning er ekki meiri hlutfallslega heldur en á Neskaupstað. Lengst af hefur Sirkus meira að segja verið meiri rólyfjastaður en örlyfja sem vart getur talist annað en jákvætt. Þeir sem hafa ekki farið á Sirkus og þekkja til að mynda ekki sumrin í garðinum geta náttúrulega ekki myndað sér sérstaklega gáfulega skoðun á þessu máli eins og glöggt má sjá hér á kommentunum. Þessi staður er perla og það veit fólk sem staðnum hefur kynnst. Fólk sem ekki hefur kynnt sér teikningarnar af ferlíkinu sem á að byggja á þessum reit ætti að gera það áður en það fellir sleggjudóma um staði sem það veit absalút ekki neitt um...