Tölvubeiglan mín er geðhvarfasjúk...

Verr og miður er tölvan mín orðin alvarlega geðveik og neyðist ég að senda hana til geðlæknis. Geðhvarfasveiflur hennar eru gríðarlegar, annað hvort er hún hrókur alls fagnaðar eins og á þessu augnabliki eða hún frýs að tilefnislausu og gerir ekki nokkurn skapaðan hlut . Ég sé mig því knúin til að leggja þessa elsku inn tölvugeðdeild og athuga hvort ekki sé hægt að gefa henni einhverjar pillur við þessum vanda sínum. Allaveganna er hún með öllu óferjandi og óalandi þessa stundina og eingengis skugginn af sjálfri sér. Hún er án nokkurs vafa besti heimilisvinurinn minn og sá sem ég á get síst verið án.  Hvíta heimilistíkin (þvottavélin) er mér náttúrulega trygg og  trú og herra heitur ( Örbylgjuofinn) stendur sig gríðarlega vel í matseldinni. Það er samt ekki nokkur spurning að besti vinur minn er tölvubeyglan mín er mér mesti gleðigjafinn.Gleðistundir okkar hafa verið margar í gegnum tíðina. Saman höfum við skrifað eina skáldsögu sem er að verða búin og þar að auki hef ég samið gríðarlega mikið magn af tónlist þar sem hún er upptökustjórinn minn. Í reynd er tölvubeyglan mín mér eiginlegur einkaritari sem hingað til hefur hlítt skipunum mínum þegjandi og hljóðalaust en upp á síðkastið hefur hún verið eitthvað óþekk og farin að hugsa eitthvað sjálfstætt. Og hvað gerir maður við beyglur sem hugsa sjálfstætt ? nú auðvitað tekur maður þær og flengir þær eða tekur af þeim sjálfræðið og hendir þeim inn á geðdeild.

Eigið góðar stundir. 

Athugasemdir

[Lárus Gabríel Guðmundsson, 31.1.2008 kl. 23:37]

Sorglegt, reyndu nú að taka BAKK ÖPP af öllu meðan þú getur ef hún er á leiðinni með að gefa endanlega upp öndina ! Mundu það BACK UP, BACK UP, BACK UP !!!!!!!!!

[Guðrún Lilja, 1.2.2008 kl. 00:01]

Það er nú ekki nógu gott brynjar minn

[Brynjar Jóhannsson, 1.2.2008 kl. 00:17]

Lárus.. ég er búin að því... og þökk sé Kára vini mínum er ég með snúru og get því vafrað inn á netið endrum og eins..

Guðrún Lilja.. Já satt er það... en ég finn lækni sem reddar þessu fyrir mig.. 

[Guðrún Lilja, 1.2.2008 kl. 01:34]

Já það er frábært vona að læknirinn verði góður við tölvuna

[Guðríður Pétursdóttir, 1.2.2008 kl. 01:55]

Og hvað gerir maður við beyglur sem hugsa sjálfstætt ? tekur úr þeim batteríin(af þeim peningana) og klippir á snúruna (kreditkortin)

[Jónína Dúadóttir, 1.2.2008 kl. 06:54]

Er mjög langur biðlisti á þessu tölvusjúkrahúsi ?

[Guðrún Lilja, 1.2.2008 kl. 09:40]

Já mín fór nú líka yfirum og hún fékk alveg æðislega meðferð og langt síðan að henni hefur liðið svona vel  og er bara eins og ný núna.

[Gunnar Helgi Eysteinsson, 1.2.2008 kl. 16:08]

Ég er með auka "hard drive" þar sem ég spara allt mitt efni.. svo ég þurfi ekki að tárast ef tölvan mín klikkast.

[Brynjar Jóhannsson, 1.2.2008 kl. 17:23]

Guðrún...Já ég finn einhvern sem kann sitt verk...

Guðríður.. HAHAHHAHAHAHA...Nákvæmlega... eina leiðin er að taka eyðsluklónna úr sambandi..

Jónína... vegna mikillra vinnu anna undanfarið hef ég ekki gefið mér tíma til að hugsa út í það.

Bryndís... Já það er kannski réttnefni að kalla tölvubeigluna .. viðhaldið sitt.. EKKI SLÆM HUGMYND.

Guðríður.... ég trúi nú ekki öðru en hún komist til sjálfs síns með tíð og tíma þessi elska.

Gunnar... Ég ætlaði einmitt að kaupa mér svona HÖRKUDRIF en gítarkaup voru tekin fram yfir

Takk fyrir komentin bangsanir mínir...