VÍKINGAR NÚTÍMANS

Það er nokkuð augljóst að Eiríkur Rauði og Leifur heppni endurholdguðust sem Björgólfsfeðgar nú á dögum.  það þarf ekki nema að rína í sögu þeirra til að komast að því hvað fullyrðing mín er sönn. Eftir að Björgólfur eldri hafði siglt Hafskipinu í þrot flúði hann af landi brott með syni sínum til að flýja Helgarpressuna sem hafði þá feðga á hornum sér. "BRUGG VIL EK" æptu feðranir í kór og námu land á rússneskri grundu. Þar létu feðgarnir rísa upp mjöðverksmiðju og byggðu þar upp mikið og stórt fyrirtæki. Eftir nokkur rússnesk frost og viðskiptalegt hark kom danskur kaupahéðin maður að nafni, Heineken og bauð þeim gull og græna skóga sem þeir gátu ekki staðist. Fjármagnið varð til þess að þeir komu aftur að landi ísa og keyptu nánast allt sem varð á vegi þeirra.

Persónulýsing á Björgólfsfeðgum

Bjórgólfsfeðgar gátu stokkið hæð sína í lofti í jakkafötum ef þeir sáu verðbréf fyrirtækja sinna hækka. þeir gátu keypt sér stórfyrirtæki á meðan þeir snæddu morgunmatinn, stórhýsi þegar þeir fóru í sturtu og einkaþotu þegar þeir þurrkuðu sér með handklæðinu. Fyrir algjöra "TILVILJUN" fjárfestu þeir í báti að nafni Eimskip og á meðan sá eldri var að greiða á sér hárið keypti hann Landsbankann. Á svipuðum tíma klóraði sá yngri sér í höfðinu og áður enn hann vissi af þá var hann búin að kaupa búlgarskt síma fyrirtæki og lyfjafyrirtæki í London. Þegar sá eldri klæddi sig í JÓAKIM FRÆNDA FÖTIN SÍN hafði hann fjárfest í ensku úrvalsdeildarliði og sá yngri var komin á lista yfir ríkustu menn í heimi.

Hvað mun gerast í framtíðinni ?

Verða minnisvarðar framtíðarinnar um menn eins og Björgúlfsfeðga eða bónusfeðga? Munu sögur berast manna á milli um hetjukaup þeirra á erlendri grundu og mun hetjuljómi færast yfir dáðir þeirra? Í það minnta er það mín upplifun að jakkaklæddir verðbréfabraskarar og stórfyrirtækjaeigendur séu íslensku víkingar nútímans.  

Eða hvað haldið þið ? 

Athugasemdir

[Gunnar Helgi Eysteinsson, 16.1.2008 kl. 18:02]

Þetta er frábær færsla... en ég hef því miður ekki hugmynd.  +  =

[Dexxa (IP-tala skráð) 16.1.2008 kl. 18:56]

flott skrifuð færsla og sniðug hugmynd.. en ég er víst ein af þeim sem dáist ekki af þeim ríku.. sérstaklega ekki þeim sem eignast allt svo auðveldlega á meðan við hin þurfum að vinna af okkur rassinn til að lifa þokkalega...

[Brynjar Jóhannsson, 16.1.2008 kl. 19:11]

Gunnar.... þú hefur kannski hugmynd síðar.. þegar samtímasaga okkar verður skrifuð..

Dexxa... Ég er ekkert á móti ríku fólki þó mig langi ekkert að eignast peninga. Vissulega samgleðst ég yfir velgengni þeirra ef þeir hafa unnið fyrir sér með harðri hendi en í sannleika sagt er auðlegð ekki það sem ég sækist eitthvað sérstaklega í eins og þú geri ég ráð fyrir..

[Dexxa (IP-tala skráð) 16.1.2008 kl. 19:37]

Ég sækist ekkert eftir auði.. ég vil bara njóta þess að vera til, ég þarf ekkert peninga til þess.. ég er hins vegar ekkert hrifin af þeim sem synda í peningum en gera ekkert gott við þá.. þeir sem hins vegar vinna sér inn peningana með réttu og gera eitthvað af viti við þá eiga það skilið að dekra við sig og njóta þess að vera ríkiir

[Brynjar Jóhannsson, 16.1.2008 kl. 20:07]

Mér heyrist sem við séum á svipuðu reiki hvað lífsviðhorf varðar Dexxa til hamingju með það

[Jónína Dúadóttir, 16.1.2008 kl. 20:15]

Góð spurning, hugsa svarið aðeins....

[Jónína Dúadóttir, 16.1.2008 kl. 20:16]

..ætlaði ekki að senda strax.... Skemmtilegur pistill

[Dexxa (IP-tala skráð) 16.1.2008 kl. 20:36]

Og til hamingju með að hafa skrifað nafnið mitt rétt tvisvar í röð..

[Brynjar Jóhannsson, 16.1.2008 kl. 20:44]

Jónína.... Takk fyrir það og takktu þinn tíma...

Dexxa .... Mér finnst ég eiga ríkulega inneign fyrir svona stórvirki ........ Fálkaorðuna eða íslandsmeistaratitil í að STAFSETJA NAFNIÐ DEXXA rétt.

[Halla Rut , 16.1.2008 kl. 23:59]

Það sem þú spáir í...þú hlýtur alla daga að vera að hugsa og velta þér uppúr ótrúlegustu hlutum.  Þvílikt hugmyndaflug.  Er það þegar þú berð út póstinn sem þú ert að pæla þetta allt? SVONA ERU LISTAMENN.

[Brynjar Jóhannsson, 17.1.2008 kl. 00:38]

Já svona meðal annars.... Ein af ástæðum þess að mér illa við í jólakösinni er vegna þess hvað það gafst lítill tíma í að hugsa. Núna þegar allt er rólegt í póstinum get ég farið hægar yfir og hugsað um allt á milli himins og jarðar. Sumum lýður vel að hafa ekkert sarg í hausnum á sér, bara hljóð. Mér lýður best að vera í endalausum vangaveltum um lífið og tilveruna..

Ég þakka hrósið Halla. 

[Jónína Dúadóttir, 17.1.2008 kl. 06:02]

Hugmyndaflugmaður af flottustu sort

[Gunnar Helgi Eysteinsson, 17.1.2008 kl. 08:13]

Ég vill líka segja að mér finnst þú skrifa skemmtilega pistla... 

[Brynjar Jóhannsson, 17.1.2008 kl. 16:44]

Gunnar og Jónína.. Ég þakka hólið