í Einkavædda landi.

Í Einkavæddalandi kostar allt peninga. Við hvern stíg sem þú gengur er stöðumælir sem þú þarft að borga gjald fyrir að ganga yfir og gjaldsúrefnisreiknir sem reiknar út hve mikið loft þú andar að þér á meðan göngunni stendur. Meira segja ástin er til sölu. Móðirin rukkar barnið sitt tíkall fyrir hvert faðmlag sem hún gefur því og ef unglingspar fellur hug saman þarf það að borga stórfúlgur til þeirra sem hafa einkaleyfi fyrir "fyrstu ástinni. Gleðin er dýru verði keypt og í hvert sinn þegar þú brosir þarftu að greiða gleðigjafanum krónu fyrir".

Daglegt líf 

 Stærstur hluti einkavæðingar féll í hlut stórfyrirtækja sem afmáðu skuldir almúgans gegn því skilyrði að þeir gerðust gangandi auglýsingarskilti. Gjaldið greiddist þannig að fólkið klæddist Neonlýstum fyrirtækjagalla og hrósaði ágæti fyrirtækisins á fimm mínútna fresti. Ef þú fékkst góða hugmynd gat það verið dýrkeypt því einn kaupsýslumaðurinn hafði keypt einkarétt á öllum frumlegum hugsunum og annar viðskiptamaðurinn  rukkaði gjald fyrir allar framkvæmdir því hann hafði einkaleyfi á öllum framkvæmdum í Einkavæddalandi.Við hvert hjónabandsrúm voru tilfinningarskannar sem reiknuðu samviskusamlega út hvor gæfi makanum meiri umhyggju, betri drátt og meiri skilning þegar lagst var til hvílu. Ef annar makinn gaf meiri hlýu til hins neyddist sá sem fékk hlýjunni að setja pening í tilfinningarskannann til þess að halda sambandinu gangandi.Í sjónvörpunum var ekkert menningarlegt efni, heldur yfirvegaður maður með dingul í bandi sem hann sveiflaði dinglinum til beggja hliða.

       -Kaupa mat í Bónus. Húsgögnin í Ikea eru þægileg, bankastjórar eru góðmenni ....sagði yfirvegaði maðurinn eftir að hann hafði dáleitt alla þjóðina. Hvert barn, hver maður hlýddi boðunum og gekk dáleiðslusvefni kaupæðisins án þess að hugsa. Síðustu fréttir sem bárust í einkavæddalandi var að búið var að kaupa einstaklingsfrelsið. Almúginn var í eigu stórfyrirtækja og viðskiptajöfra og til þess að minka pappírsbruðl var hverjum manni bannað að bera nafn og bar kenni tölu sína í staðinn..

 þegar einhver dó.... stendur á legsteininum

Hér hvílir  121274-5489

Fæddur 1974

dáinn... 2008

Legsteinninn er í boði Baugs og Landsbankans. 

 

 

Athugasemdir

[Gunnar Helgi Eysteinsson, 14.1.2008 kl. 15:01]

Góð pæling...

[Jónína Dúadóttir, 14.1.2008 kl. 15:36]

Hugmyndaflugið er óendanlegt

[Guðríður Pétursdóttir, 14.1.2008 kl. 16:12]

ekki langar mig að flytja þangað... er þetta einhverstaðar á norðurlöndunum?

[Brynjar Jóhannsson, 14.1.2008 kl. 16:34]

Jónína og gunnar .. takk fyrir... 

Guðríður...  Þú býrð þarna... Þetta er ísland eftir sirka tuttugu ár eða svo..

[Guðríður Pétursdóttir, 14.1.2008 kl. 20:27]

nei eftir tuttugu ár verð ég sjálfboðaliði í einhverju þróunarlandinu  eða kannski einhverstaðar sem er löglegt að reykja hass 

annað hvort

[Brynjar Jóhannsson, 14.1.2008 kl. 21:03]

 Arna... Ég þakka fyrir það..

Guðríður.. hér lendis er ekki löglegt að reykja hass... en það er löglegt að vera SKASS... það eru þó sárabót...

[Jónína Dúadóttir, 14.1.2008 kl. 21:40]

[Guðríður Pétursdóttir, 14.1.2008 kl. 21:54]

enda hef ég aldrei reykt hass ... en ég hef alveg prufað að vera skass

[Brynjar Jóhannsson, 14.1.2008 kl. 22:18]

hahdhahha.. Guðríður... ertu kannski SKASSAHOLIK ? ... ferð á SA fundi og segir.. ÉG Heiti guðríður og ég er SKASS ...HALLO GUÐRÍÐUR heyrist svo....

[Gullvagninn (IP-tala skráð) 14.1.2008 kl. 22:53]

Fínt hjá þér, ótrúlegt hve margt er í boði hinna og þessara.

Varðandi loftalögin, þeir nenna örugglega ekkert að mæla hvað þú andar, það byrjar bara á að þú borgar auka fyrir fleiri en 2 (1?) börn, svo smám saman herða þeir gjaldtökuna (eins og kvóti er skorinn niður) þannig að þú þarft að drífa þig á heilsugæsluna og láta svæfa þig til að kaupa tíma fyrir barnið þitt.

Skattur á koltvísíring (kolefnisjöfnun eða hverju nafni sem það er nefnt) er ómanneskjulegur og okkur ber að vera á móti af öllu afli.

Ef menn vilja skattlegja mengun, þá skal skattleggja eiturefnin, ekki lífsandann (t.d. skattleggja flúor, brennistein, geislavirk efni o.s.frv.) 

[Brynjar Jóhannsson, 14.1.2008 kl. 23:11]

Skordal... NEi ég efast um það að þetta sé mikið fjarri lagi... eitthvað þessu líkt gæti mögulega gerst.. t.d í bandaríkjunum..

Gullvagnin.. Hahahha.. það er kannski dálíkt ýkt að nefna þetta með að borga fyrir súrefnið hjá mér... en eins og þú gast til þá er þetta ekki fjarri lagi þegar það er skattur settur á koltvísýring nú þegar. Pælingin í þessum pistli hjá mér snýst um ef almenningur er eigu stórfyrirtækja, Við séum búin að selja frelsið og framtíðin okkar er að verða gangandi auglýsingavarningur... Þetta hljómar kannski fáranlegt hjá mér... en þegar maður spyr sig þegar það eru t.d Glitnishlaup eða landsbankamenning þá spyr maður sig hvirt að þessi pæling sé eitthvað svo fjarri lagi ?  

[Lárus Gabríel Guðmundsson, 14.1.2008 kl. 23:32]

Mér dettur 1984 í hug eftir Orwell....ekki fjarri lagi.

[Halla Rut , 14.1.2008 kl. 23:39]

Þetta er byrjað.  Fólk bara áttar sig ekki á því. Þegar þú ferð t.d. í Kringluna að versla þá ertu í ca 70 til 80% tilfella að versla við eitt af þremur fyrirtækjum sem eiga svo til alla verslun á Íslandi.

[Brynjar Jóhannsson, 14.1.2008 kl. 23:46]

Lárus..
já eða Lovestar eftir Andra SNÆ ... margar bækur sem einmitt hafa fjallað um svona pælingu..

Halla Rut....  Nákvæmlega.. þetta er hin hliðin á viðskiptum þegar stórfyrirtækin eru búin að éta upp alla hina litlu og heilu bæirnir eru orðnir eign stórra fyrirtækja..