Syngjum í vinnunni..

Mikið væri skemmtilegra að vera til ef lífið væri EINN STÓR SÖNGLEIKUR eins og á Brodway. Á hverjum morgni færi fólk færi dansandi í vinnuna og það svaraði hvoru öðru í falsettum. Ef það slettist upp á milli karlmanna myndu þeir skora hvorn annan á hólm og mætast í húsasundi með rafmagnsgítar en sá sigraði sem tæki betra gítarsóló. Kvenfólkið færi upp á HÁA-CIР í orðsins fyllstu merkingu ef karlmaðurinn gleymdi að þrífa eftir sig og syngja börnin í svefn á hverju kvöldi. Rakarinn tæki á móti þér með steppdansi og Læknirinn væri alltaf með klassískan gítarleikara í horninu þegar þú kíktir til að láta gá að meinum þínum.  Þunglindisjúkingar og fýlupúkar væru alltaf með fiðlara með sér hvert sem þeir færu og sprelligosarnir væru með lúðrasveit í kringum sig þegar þeir "SLÆGU Á LÉTTA STRENGI". Allir hefðu sitt lagastef.. Ég til að mynda væri með james bond stefið og Indiana jones stefið í daglegu lífi  

AFHVERJU DATT MÉR ÞETTA Í HUG ?  

Mér datt þetta í hug því ég hef undan farið verið með I-pot í vinnunni til að stytta mér stundir og stundum þegar ég heyri gott lag tek ég undir með tónlistarmönnunum. Það hefur komið fyrir að fólk taki eftir þessu og rekur það upp furðu augu við að sjá mig gaulandi með póstinn í hendinni. Hvort það álíti mig kleppshæfan mann eða hugsi með sér hvað það sé gaman hjá mér skal ósagt látið . Eitt er þó ljóst að ég sé ekkert athugavert við þetta atferli mitt sem ég geri til að stytta mér stundir.  Lífið á að vera skemmtilegt og laust við öll leiðindi. 

Ég mótmæli hér með grámyglu hversdagsins og legg til að allar dagar verði skemmtilegir hjá öllu fólki. 

Athugasemdir

[Jónína Dúadóttir, 6.12.2007 kl. 22:43]

Tek undir það með þér

[Dexxa (IP-tala skráð) 7.12.2007 kl. 11:35]

Ég syng alltaf með þegar ég er með iPod-inn minn.. að vísu í hljóði.. mæma aðalega bara með.. svona utandyra.. en það er samt glápt á mig.. og mér er andskotans sama! Maður á bara að gera daginn skemmtilegann!

[Kristín Jakobsdóttir Richter, 7.12.2007 kl. 11:50]

Er ekki lífið svona ?  Ég er e-ð að misskilja!  Haltu bara áfram að syngja !  Viss um að það lífgar upp á hverfið!

[Brynjar Jóhannsson, 7.12.2007 kl. 16:10]

 Dexa þá eigum við eitthvað sameiginlegt... að þenja raddböddin þegar við erum með ipodit á milli eyrnanna...

kristín... 

Það má nú deila um það hvort að þessi söngrausn lífgi upp tilveruna. En jú líklega.