Rassinn á mér er farin að reyna við stelpur í leyfisleisi

29.11.2007 | 18:47

Rassinn á mér er farin að reyna við stelpur í leyfisleisi

Í dag snaraðist ég í með bréfin í gegnum hverfið mitt á þann hátt að Indiana Jónes hefði litið út eins og skólakrakki í sandkassaleik í návist minni. Eins og alltaf slapp ég með naumindum frá leiðindum þrasanda með stakri lipurð og á köflum hljóp ég hraðar en neðanjarðarlest er ég smaug leynileiðir í gegnum garða til þess að stytta mér leið til kúnnans. Í sannleika sagt var ég sannfærður að ég væri búin að vinna Þrekvirki sem væri sambærilegt á við að byggja píramídanna í Egyptalandi þar til að síminn hringdi.

HÆ VARSTU AÐ HRINGJA Í MIG ? ..... þetta var vinkona mín og ég vissi ekki hvaðan stóð á mig veðrið..

Nei....rassinn á mér hlýtur að hafa hringt í þig svaraði ég

Ha rassinn á þér ?

JÁ sko ég hef verið með síman í rassvasanum í dag þegar ég sat við grófflokkun og ég hef gleymt að setja læsinguna á ...

HAHAHA já en hvað segir þú annars ??? spurði vinkona mín hlæjandi

Ja þó svo að rassinn minn hringdi í þig get ég fullvissað þig um að ég var ekki að gefa skít í þig...Svaraði ég henni með minni sönnu AULAKÍMNI.

Samtalinu lauk skömmu síðar án nokkurra vandamála...

Þegar ég leit á síman sá ég að ég hafði fengið SMS frá einhverri konu sem ég hafði einhverra hluta vegna sett inn á smsið mitt. Líkast til á fylliríi en ég er annars ekki viss.

Hvað meinarðu 1

Hver í fjandanum ertu ?

stóð í smsinu.

Helvítis rassinn á mér hafði þá skrifað 1 í SMS og sent til þessarar konu án þess að segja mér frá því. Ég fékk nett sjokk og sendi sms þar sem ég skýrði fyrir henni að ég hafi sent smsið óvart til hennar og baðst afsökunar á framferði mínu. Ekki var konan sátt og krafðist þess að fá að vita hver ég væri og neyddist ég til að senda henni linkinn af heimasíðunni minni. Mér til mikillar lukku þá kannaðist hún við mig og hún fyrirgaf mér skilaboðin sem rassinn hafði sent henni.

Nú er ég allur.... Ef þetta eru ekki skilaboð um að ég eigi að fara á veiðar um helgina þá veit ég ekki hvað... Woundering Meira segja rassinn á mér tiltækari en ég í kvennamálum núorðið.