Undirskriftarlisti gegn óréttlátri vá

ERU VEÐURGUÐIRNIR ORÐNIR GEGGJAÐIR ?

Undirskriftarlisti þar sem kvartað er yfir hegðun veðurguðanna 

Ég hygg að það sé komin tími til að leggja íslenska veðurguðinn inn á geðdeild. Sama daginn skiptir hann oftsinnis skapi og verður annað hvort kuldalegur eða hlýr í fasi. Fyrir nokkrum dögum var fimbulkuldi og veðurguðinn blés þá kuldalega eins og urrandi bolabítur en svo skyndilega skellur á hlýindaskeið og hann klæðist Havanaskyrtu og horfir til mín með sólskynsbrosi. Hvað veldur þessum furðulegu skapsveiflum hjá honum ? Er veðurguðinn kannski að veikjast af vetrarflensunni eða er hann kannski hættur að reykja ? Ég myndi skilja veðurguðinn miklu betur ef það væri einhver rökræn skýring á þessu háttarlagi eins og tildæmis að einhver hafi andast í fjölskyldunni en mér vitanlega hefur ekkert slíkt gerst. Ef manneskja hegðaði sér. eins og íslenska veðurfarið þessa daganna, væri fyrir löngu búið að dæma viðkomandi kleppshæfa og leggja hana inná geðdeild við sundin blá. Það væri búið að segja "STOPP" hingað og ekki lengra nú ferðu og slappar af og tekur því rólega en verr og miður virðist almættið láta eins og ekkert sé. Ég hef lagt fram formlega kvörtun í bænum mínum til hæstráðanda himingeimsins um að svona háttarlag er vægt til orða tekið furðulegt og hef ég fengið það svar að það sé NEFND AÐ VINNA Í MÁLINU.

ARG OG PIFF FUSS OG SVEI

Auðvitað ætlar alfaðirinn að þagga bara málið niður og látast eins og ekkert sé. Til þess að mynda þrýstihóp gegn þessu óréttlæti hef ég ákveðið að gera þetta blogg að undirskriftalista með yfirskriftinni leggjum íslenska veðurguðinn INN Á GEÐDEILD og hefst hún hér og nú. þess er krafist að við fáum stapilara veðurfar en undanfarið svo við getum haldið gleðileg jól.

Eigið góðar stundir 

Athugasemdir

[Jónína Dúadóttir, 28.11.2007 kl. 08:40]

Góður !

[Ingunn Jóna Gísladóttir, 28.11.2007 kl. 13:48]

Þú klikkar aldrei , þessar endalausu veðurfars breytingar eru líkamleg kvöl og andlega niðurdrepandi. Hafðu það gott, kveðja Ingunn Fjöryrki

[Brynjar Jóhannsson, 28.11.2007 kl. 15:25]

ahhaha.. Já .. herör mín gegn slæmu veðurfari hefst hér og nú ? ... allir í Havanaskyrtu fyrir jólin ...

já hafðu það líka gott Ingun Jóna... 

[Marta B Helgadóttir, 29.11.2007 kl. 01:15]

Veðrið ætlar mig bara lifandi að drepa núna um þessar mundir. Meiraðsegja ég (!) er oðrin þunglynd og þreklaus af öllu þessu myrkri og rigningu 

[Dexxa (IP-tala skráð) 29.11.2007 kl. 13:19]

Íslenska veðurfarið hefur alltaf hagað sér svona.. Ég myndi ekki skipta því út fyrir neitt annað.. En það getur samt verið pínu pirrandi annað slagið.. En ég er að fíla myrkrið, enda er ég mikil nætur manneskja

[Brynjar Jóhannsson, 29.11.2007 kl. 17:40]

Martha hún er stórskrítin þess veðrátta..veðrið er óvissara um sig en kona sem er að klæða sig upp eftir jóladansleik.. PIFF og aftur piff

 Dexxa auðvitað líkar þér vel við myrkrið enda ertu næturdrottning dexa...