Nú er komið að ljóðastund með Brylla

Gyðja úr gulli

Löngum hef gengið með grátur við kverki

en gleypt oní brjóstið mín tár

og mín glerjuðu svipbrigði sýnt engin merki

um sorg eða kvalarfullt fár

 en um síðir í storminum stóð mig að verki 

að steypast í ólgandi brjál

og ég sem var forðum hinn stolti og sterki

varð stútuð en margbrotin skál

 

En þú sem ert gyðja úr gulli

og guðanna fegursta fræ

en þú sem ert hliðið að himni

og hafmeyja úr draumanna sæ

 að eilífu farnast í fegursta sólroðans blæ

 

Ofan í kófsveittum lófanum lestu

að líf mitt er allsherjar stríð

og í skjóllausum veruleik finn ekki festu

né farnað í komandi tíð

þó stjörnuspár segi og sýni að mestu

súld eða barnslega hryggð

mun andinn minn rísa og ráða við verstu

raunir með viskunnar dyggð. 

 

Lagið er við ballöðu sem ég samdi..

bestu kveðjur Brynjar jóhannsson 

Athugasemdir

[Þórdís Bára Hannesdóttir, 22.11.2007 kl. 18:31]

Takk fyrir þetta.

[Dexxa (IP-tala skráð) 22.11.2007 kl. 18:55]

Til hamingju með afmælið í gær! Flott ljóð/lag/vísa.. eða það..

[alva (IP-tala skráð) 22.11.2007 kl. 19:58]

alveg stórkostlegt!

[Brynjar Jóhannsson, 22.11.2007 kl. 20:42]

takk fyrir hólið...öllsömul..

Gunnar... ég hef ekki enn þá að búin að taka upp lagið þannig að það er ekki hægt í augnablikinu.... En það stendur til að koma upp myndavél þar sem ég ætla að spila eitthvað af lögum mínum...

[Brynjar Jóhannsson, 22.11.2007 kl. 21:35]

Hahahhaha... til hamingju með það gunnar... Þú ert þá í betri hópnum

[Lárus Gabríel Guðmundsson, 22.11.2007 kl. 22:07]

Dýrt kveðið Brynjar sem ætíð !

[Brynjar Jóhannsson, 22.11.2007 kl. 23:15]

Lárus...

Takk kærlega fyrir það..

Bryndís....

já... er þetta ekki besta lag sem þú hefur EKK HEYRT NOKKURN TÍMAN

[Ingunn Jóna Gísladóttir, 22.11.2007 kl. 23:29]

Þetta er æðislega flott hjá þér Brynjar Kveðja Ingunn

[Marta B Helgadóttir, 22.11.2007 kl. 23:37]

Brylli þú getur allt!

Dásamlegt svona hæfileikaríkt fólk.