Bókaklúbbur Mörtu...

 Vegna þess að hún Marta smarta bloggverji virkar á mig sem hvort tveggja góð og velviljuð kona þá ætla ég að auglýsa fyrir hana bókaklúbbinn hennar sem ég er EKKI HLUTI AF með nokkrum orðum sem ég tjáði mig um bók mánaðarins á heimasíðu hennar, en sú bók er eftir rithöfundinn Milan Kundera og heitir lífið er annars staðar.. 

Ég leyfi mér að fullyrða að þessi stórfenglega bók "lífið er annars staðar" eftir Milan Kundera sé besta bók sem ég hef ekki lesið. Rit þetta er bókmentalegt stórvirki sem hefði snert mig djúpt frá fyrstu síðu til hinnar seinustu ef ég hefði einhvern tíman byrjað á því. Aðalpersónan er án efa mikilfönglegur persónuleiki sem Kundera lýsir af sinni alkunnu ritsnilld og aukapersónur bókarinnar eru ákaflega vel ígrundaðar. Söguþráðurinn er snilldarvel gerður og spinnir rithöfundurinn mörkin á milli hins ímyndaða heims og raunveruleika á virkilega faglegan hátt. Kundera er rithöfunda snillingur sem fékk frásagnarhefðina í vöggugjöf og sýnir hann með flettum þessarar bókar hvað fáir standast honum snúning á ritvellinum. þessi heimsfrægi rithöfundur skrifar af svo mikilllri næmni að jafnvel harðvíruðustu járnbindingamenn tárast eða það grípur um þá skelfing þegar farið er yfir grimdarlegustu kaflanna.

Því gef ég Kundera FIMM HEILAR STJÖRNUR af FIMM MÖGULEGUM fyrir þessa frábæru bók sem ég kem örugglega aldrei til með að lesa...

HAHAHHA ég vona að þið hafið humor fyrir þessu bulli mínu...

Ég vona að þið kynnið ykkur bókaklúbb hennar mörtu smörtu en þið getið fundið hana hér til hliðar sem einn af blogg vinum mínum .

Kærar kveðjur Brylli

Eitt góðverk á dag kemur skapinu í ... stuð.. 

Athugasemdir

[Marta B Helgadóttir, 14.9.2007 kl. 22:01]

Góður ritdómur um þetta stórvirki sem þú hefur ekki lesið Brynjar Takk.

[Brynjar Jóhannsson, 14.9.2007 kl. 22:17]

Mín var ánægjan..

[halkatla, 15.9.2007 kl. 00:04]

þetta er krúttulegt ég var einmitt að handfjatla bók eftir Milan Kundera í vinnunni, ég man ekki hvort það var þessi, en kannski.....

[Brynjar Jóhannsson, 15.9.2007 kl. 01:09]

Þakka þér fyrir það Anna Karen... eins ég gat til hér að ofan í kynningu minni þá er ég ottalegur háðfugl fram í fingurgóma og því á ég til með að láta svona kjánaskap út úr mér þegar ég læt gamminn geysa.