Afhverju vaxa krullur á sumum börnum en ekki öðrum ?

18.8.2007 | 09:40

Afhverju vaxa krullur á sumum börnum en ekki öðrum ?

Á svipuðum tíma og Geirfinnur og Guðmundur hurfu sporlaust í Hafnarfirði fór ólétt tveggja barna móðir á fæðingardeildina á Sólvangi en Sólvangur er í sama bæjarfélagi mannhvörfin áttu sér stað. Hvort fæðingin á barninu tengist þessum dularfullu mannhvörfum skal ósagt látið.
21.novomber 1974 fæddist tuttugu og einsmerkur drengsbarn og varð barnið það stærsta sem fæddist það árið í Hafnarfirði og víðar. Krakkaormurinn var húðsköllóttur og átti eftir að vera það næstu tvö árin.Í veisluboði á Akranesi leist frænda barnsins og ekki á blikuna og kann í brjósti til þess vegna skallans. Frændinn var krullóttur og ákvað að smita drengsbarnið af hárlokkum sínum. Hann byrjaði að núa hausnum sínum við skalla pjakksins og lagði alla sína natni í verkið.

-HVAÐ ERTU EIGINLEGA AÐ GERA ? Spurði faðir barnsins frændan þegar hann kom að frændanum með höfuðið upp við það.
-Ég er að hmita hann ... svaraði frændinn
-Hminta hann ? ... spurði faðirinn og var engu nær um athafnir frændans
- Já ég er að hmita hann með krullunum mínum
- hahahahh já ertu að smita hann - svaraði faðirinn og skellihló....
Nokkrum vikum eftir þessa athöfn byrjaði að vaxa hár á höfði barnsins. Nákvæmlega eins ljósir lokkar uxu til allra átta á höfðinu og frændinn hafði. Frændanum hafði þá tekist ætlunarverkið og foreldrar barnsins gátu hætt að hafa áhyggjur af hárleisi barnsins..
Enn þann dag í dag er þessi krakki með lokkað hár þó hann se ekki enn þá ljóshærður og ástæðan fyrir því að mér er það kunnugt er vegna þess að þetta barn er ÉG.

Flokkur: Bloggar | Facebook