Ert þú þessi OFUR-JÓN ?

Ofur-Jón er engin Meðal-Jón. Þó kallinn sé venjulegur að flestu leiti er ýmislegt skringilegt við hann. Furðulegasti kvillinn sem fylgir þessum ofur-gauki er fluga sem flögrar í kringum hausinn á honum. Hvert sem gaurinn fer þá fylgir honum nefnilega hugmynda-fluga sem svífur í kringum hann og lætur karlgreiið ekki í friði. Ef töffara tappinn reynir að kremja hugmyndafluguna kemur önnur jafn óðum í hennar stað og suðar enn þá hærra yfir hausamótinu á honum.

ððððððððððððððððð ðððððððððððððð Hlustaðu OFUR JÓN eða ég fjölga mér  -

Hótar hugmyndaflugan honum Ofur Jóni. 

.  Ofur-Jón er nefnilega í álögum. Hann verður alltaf að sinna hugmyndaflugunni því ellega verður hún snögglega að stórum fluguhóp sem birgir honum sýn. Manngreinu er fyrirmunað að vera þá staddur í samtímanum öðruvísi en að reka sig á veggi vegna truflunar frá flugunum. Eina leiðin til að drepa hugmynda- flugukvikindið er að hlusta á suð þess og oftar en ekki verður afrakstur áheyrnarinnar ónytjungs verk sem kallast listsköpun.

 

Oj bara

 

Alltaf þegar ein fluga deyr eftir að Ofur-Jón hefur sinnt kalli hennar, kemur önnur stærri  í hennar stað. Þar til dagar Ofur Jóns verða allir, mun líf hans verða með þessum hætti. Við jarðaför Ofur-Jóns munu allar hugmyndaflugurnar sem hann hlustaði á og sinnti, sameinast í ræðu prestsins en hinar hugmyndaflugurnar sem stúfur þessi hlustaði ekki á munu rotna í heitasta helvíti.

Athugasemdir

[Jónína Dúadóttir, 14.1.2009 kl. 06:45]