Ég er ekki í tenglsum við veruleikann. Talvan er þarfasti þjónn mannsins.

Ég neyddist til þess að setja tölvuna mína inn á viðgerðar-hæli, vegna þess að hún vildi ekki þjóna mér lengur. Hún var hætt að hlusta á mig og þjóna mér sem sannri "þjónustutík" sæmir. Áður en ég fékk mig endanlega fullsaddan á primadonnuþörfum hennar hafði hún neitað að kveikja á sér fyrir mig og hleypa mér inn í sig. Mér stóð því tvennt til boða. Annað hvort yrði ég að leggja hana inn eða gefa henni ærið spark í rassgatið. Þar sem ég er ekki ofbeldishneigður að eðlisfari áhvað ég að senda hana inn á viðgerðahæli epla-umboðsins.

Þar sem ég hef verið tölvulaus hef ég ekki verið almennilega í tengslum við "veruleikann". Margir kunningjar og vinir spjalla við mig í gegnum msn eða t.d í gegnum facebook eða hér í gegnum mbl.is. Í staðin hef ég neyðst til þess að láta mér nægja að horfa á imbakassann meira en góðu hófi gegnir. Þessi bitra reynsla hefur kennt mér að sjónvarp er einhver mesti blekkingarvefur sem fyrirþekkist. Stærstur hluti sjónvarpsefnisins voru bandarískt lágmenningarrusl sem hafði ekki einu sinni almennilegt afþreyingargildi. Reyndar er ekki reynslan af aðskilnaði mínum við tölvuna mína alslæm því ég er að verða búin að lesa "Draumalandið" hans Andra snæs og er á góðri leið að fara að glugga í aðra skruddu til að drepa tímann. Þegar plúsar og mínusar við það að hafa ekki "stóru ástina" mína í nánd við mig er útkoman algjör mínus.

HVAÐ ER TIL RÁÐS ?

Ég áhvað að strjúka úr þessu "stofufangelsi" mínu á einfaldan hátt. Ég fór heim til félaga míns, hettuklæddur með haglabyssu og beindi henni að munvikum hans og sagði. " Kári minn ætlaru ekki að leyfa mér að fá tölvuna þína til að blogga ?" "ha jú jú en er ekki samt algjör óþarfi að vera hettuklæddur með haglabyssu ? " svarði félagi kári og leyfði mér að blogga eina færslu.

Ég tók því af mér hettuna og gaf honum haglabyssuna og byrjaði að blogga. Ég get þakkað því Kára fyrir að hafa bjargað mér frá þessari ánauð minni.

því ellega enda ég sem BÓKAORMANÖRÐUR EÐA IMBAKASSABJÁNI. 

Reyndar væri fínt að enda sem bókaormanörður en án tölvunar minnar væri ég ekki í tengslum við veruleikan. Þessi elska inniheldur framtíðina mína. Hún er skrifstofusvæði bókarinnar sem ég er að skrifa og inniheldur tónlistardeómin sem ég er að vinna í.

Þess vegna er það mín von að strax í næstu viku útskrifa ég tölvutíkina mína af hælinu og geti komið mér í sama farið og hef verið í. Ellegar verð ég fyrsti maður íslands til að SPRYNGA ÚR HUGMYNDUM með þeim afleiðingum að allur miðbærinn myndi leggjast í rúst. 

Eigið góðar stundir.

Brylli. 

Athugasemdir

[Gunnar Helgi Eysteinsson, 29.3.2008 kl. 23:05]

Lagið sem þú ert með í spilaranum.... minnir mig á þegar ég hitti bræður mína. Þeir eru allir tónlistar áhugamenn og þetta lag minnir mig á hvernig einn bróðir minn syngur.... Góða nótt 

[Jónína Dúadóttir, 30.3.2008 kl. 14:32]

Þú færð samúð frá mér í þessum hremmingum þínum

[Helga Magnúsdóttir, 30.3.2008 kl. 18:50]

Úps, ekki gæti ég verið tölvulaus. Tölvan og uppþvottavélin eru einu heimilistækin sem maður kemst ekki af án.

[www.zordis.com, 31.3.2008 kl. 22:57]

Ekki springa ..... hrikalega ávanabindandi þessi tæki!  Í stað þess að liggja við loðna karlmannslöpp sit ég og vafra um netheima.  Lífið er allt of gott til að vera satt.

[Jónína Dúadóttir, 1.4.2008 kl. 07:16]

Ekkert að gerast ennþá ?

[Ingunn Jóna Gísladóttir, 2.4.2008 kl. 12:54]

Þvílíkt ástand hjá þér, sendi þér samúðarkveðjur. Kær kveðja Ingunn

[Dexxa (IP-tala skráð) 4.4.2008 kl. 17:11]

Ég var nú ekki í neinum vandræðum þegar tölvan mín fór í viðgerð.. ég fann mér bara einhvern góðan félagsskap og eitthvað að gera..

[Halla Rut , 4.4.2008 kl. 18:21]

Sammála. Get ekki lifað án hennar. Hvað gerði maður áður. Hvernig var hægt að reka fyrirtæki?

[Marta B Helgadóttir, 4.4.2008 kl. 23:20]

...hvar ertu

[Sigríður Hafsteinsdóttir, 6.4.2008 kl. 23:26]

Svona er lífið... En ef þú lítur á björtu hliðarnar þá hefur sólin skinið á þig (og okkur hin) þér til hughreystingar á meðan græjan er á spít(t)alanum!

[Helga Dóra, 7.4.2008 kl. 22:32]

Brylli tíndur???

[Óskar Arnórsson, 8.4.2008 kl. 15:50]

Það er algjört kreppuástand að vera án tölvu Brylli!..og þessu tæki sem reddaði þér þarna með bloggfærsluna....en ég á ekkert svona..nenni ekki að fylla út eyðublöð og taka eitthvað próf í hlutum sem manni var kennt 10 ára að nota..Takk fyrir skemmtilegan pistil og húmorinn..

[Fríða Eyland, 8.4.2008 kl. 23:35]