Æsifréttablaðið. Pabbarassi hversdagsins

LÖGBRJÓTUR GRIPINN GLÓÐVOLGUR

 Sigurður Torfi Ársælsson húsasmiður og starfsmaður Ístaks gerðist lögbrjótur í gær þegar hann kom út úr kaffiskúr í skuggahverfinu án vinnuhjálms. Samkvæmt reglum vinnueftirlitsins er stranglega bannað að vera án hjálms byggingarvinnu og er því ljóst að lögbrot að þessu tagi eru litin alvarlegum augum hjá Vinnueftirlitinu.
" uuu sko ég gleymdi hjálminum inn í vinnuskúr þegar ég var í kaffi ég ætla að fara og sækja hann" sagði lögbrjóturinn Sigurður Ársælsson í viðtali við Æsifréttablaðið í gær þegar hann var gripin glóðvolgur án hjálmsins og fór inn í kaffi skúrin til að hylma yfir lygaslóðina.
Talsmaður vinnueftirlitsins staðfesti Í símaviðtali við Æsifréttablaðið að það sé með öllu óheimilt að vera án vinnuhjálms á byggingarvinnusvæðum en hugðist ekkert athafast meira í málinu en þakkaði fyrir ábendinguna. Af orðum talsmannsins mátti dæma að Vinnueftirlitið hafi ekki tök á að fylgjast með jafn alvarlegum glæpum eins og Sigurður Torfi framdi vegna manneklu.



Íslensk kona liggur undir grun um að hafa framið hriðjuverk.

Kona sást á gangi niður Laugaveginn síðasta þriðjudag og ekki var vitað hvert för hennar var heitið. Við nánari ígrenslu kom í ljós að handtaskan á herðum hennar var óvenju þung og er sá möguleiki fyrir hendi að í töskunni hafi verið sprengiefni. Samkvæmt áræðanlegum heimildum Æsifréttablaðsins var konan á leiðinni í Bónus undir því yfirskyni að kaupa sér í matinn en hefði alveg eins verið að fara þangað til að fremja hriðjuverk. Af augngotum og svipbrigðum konunar sást berlega að hún hefði eitthvað óhreint í pokahorninu og hröklaðist undan blaðamanni Æsifréttablaðsins þegar hann hugðist fá að skoða hvað hún væri með ofan í handtöksunni.