Ég á tónleikum fyrir stuttu.

 

Þetta er ég

 

Að spila lifandi

 

á Rósenberg -12 okt, 2009

 

Kúrekinn - gjörið svo vel

 

 

 

 

Bassi- Ingimundur óskarsson

trommur- Jón Indriðason

rafmagnsgítar- Hallvarður Ásgeirsson

Kassagítar og söngur- Ég  

 

 

Þetta lag

.........er á geisladisk sem er verið að leggja lokahönd. Lagið er eftir mig og heitir Anti metro sexual en geisladiskurinn heitir Martraðaprinsinn.

 

 

 

 

Privatherbergin..

 

Privat herbergin

 

Mannskepnan hún umturnast
í duldum dökkum herbergum
og Dr jenkle verður herra Hide
karlmenn verða að prinssessum
og trúðar fella tregatár
og tilveran hún gerist óréttmæt

á bak við læstar lokaðar dyr
þar lifnar óeðlið
og myrkraverur fremja enn eitt
ódæðið
fláir siðapostular sjást
þar sjúga kókaín
barnaperrar byrtast þar í sýn

Þjófarnir þeir skipta
ránsfengnum með sér
Svikarararnir leggja launráð

valdamiklir karlmenn

verða að varúlfum 

Myrkraverkin eru

útkljáð 

 

Mannskepnan hún umturnast
í duldum dökkum herbergjum
og Djöfullinn á létta stengi slær
englar verða að ófreskjum
og inn í mesta myrkrinu
er morðingi sem hendur sínar þvær

Á bak við læstar lokaðar dyr
þar lifnar óeðlið
Rót hins illa ræktar ávöxt
ranglætis
Dýrslostinn þar kemur í ljós
loftið rafmagnast
og góðmennin úr þurru umturnast

 

 

 

Texti við lag eftir mig sem ég var að klára. 

 

 

Roðin í KLAUSTRI.. nei ég meina í austri.

Taugatitringurinn væri , upp á sjö á rikter, ef ég væri fengin til syngja fyrir Vladimír Pútín forsætisráðherra Rússlands. Að sjálfsögðu myndi ég reyna að syngja viðeigandi tónlist fyrir járntjaldaþjóðhöfðingjann eins og rússneska þjóðsönginn. Það myndi ekki breyta því að þegar stigi upp á svið væri mér líkt að bulla tóma steypu.

 

 Já komið þið sæl .... nú er Roðin í klaustri ... Nei ég meina au au austri .. hei strákar takið bara lagið..

 

Myndi byrja á að segja og síðan í óöryggi mínu syngja

 

 
<---Disko abbadís 

 

 

En þið getið heyrt það í spilaranum mínum.

 

Ekki yrði Pútín parhrifin af tónlistarflutningi mínum. Raunar sé ég hann fox illan fyrir mér að honum loknum og hann myndi lesa úr söngum mínum stríðsyfirlýsingu á Rússland.

 

SVÍVIRÐA

 

Myndi Pútín æpa og tæki upp kalsnikovriffil og dritaði alla í kringum sig. Ég væri farin á vit forferða minna langt fyrir aldur fram og það fer fjarri lagi að Pútin léti þar við sitja.  Áður en við vitum af þá væri búið að varpa risastórri kjarnorku sprengju á Reykjavík og Ísland væri orðið að fanganýlendu fyrir forherta glæpamenn. 

 

ENDIR 

 

Söngvaseiður Pútíns

Poppgoð með kreppu.

Ég er komin með óhrekjanlega samsæriskenningu varðandi tónlistarmanninn Elton John. Kenningin spannar yfir víðan völl, eða alveg frá Bítlunum til íslensks stjórnmálaflokks og mun hafa úrslitaáhrif á íslensku þingkostningarnar næstkomandi laugadag. Ef myndir eru bornar saman af þessum tónlistarmanni síðan 1970 og í dag kemur glögglega í ljós að hér ekki um sama manninn að ræða.
 

Hér sjáið þið myndband af honum elton í kringum 1970- bæði á grönnum höndum og svipbrigðum ætti öllum að vera ljóst að þarna er í raun og veru Phil Spektor á ferð, sem meðal annars gerði garðin frægan sem upptökumaður Bítlanna.Mín kenning er sú að Phil hafi ákveðið að búa til auka persónu útfrá sjálfum sér sem er elton John og svo þegar hann sá að það væri svo mikið í að gera í upptökubransanum tók hann þá ákvörðun að fá sér stadista í staðin fyrir sig til að leika ELTON. 

 

Stund sannleikans er runnin upp

 

 

Ef við berum Elton siðan 1970 við myndbandið sem ég sýni að neðan er margt sem stiður þessa samsæriskenningu mína eins og t.d er Elton ekki með sömu sólgleraugun og hann var með 1970. Hann er líka í öðrum fötum og það sem er enn þá grunsamlegra er að hann er með annað píano. Það sést langar leiðir að selspikaður skógarbjörn hefur verið tamin til þess að stíga á stokk fyrir hann og flytja hans helstu lög. Peningarírnun á eigum Johns ýtir sterklega undir það að hann sé að þiggja mútur og tengi ég þessi mútutengls klárlega til framsóknaflokkinn. Miðað við hvað röddin hans er rám er ég sannfærður um að dvergbangsi hafi verið tamin af dýratemjara til þess syngja fyrir hann og sá sem standi á bak við þetta sé Sigmundur Davíð formaður Framsóknarflokksins. 

 

 

 

Afhverju segir þú  Sigmundur standi á bak við þetta-

 

Hefur þú eitthvað fyrir þér sem stiður þessa fullyrðingu þína? 

  

 NEi reyndar ekki... ástæða þess að ég tengi þessa kenningu mína við Framsóknarflokkinn er vegna þess að mig langar svo að komast á þennan óvinalista framsóknarflokksins sem var birtur í DV yfir óvini þessa afvegaleidda flokks sem viðheldur vinsældum sínum á hræðsluáróðri og hálfkveðnum vísum. 

 

Hér er nýlegt myndband af Elton- Framsóknarbangsa og vakna grunsemdir um hvort að hann er syngjandi þetta lag til Sigmundar Davíðs og blikkandi hann í mannþrönginni. ég gat ekki betur séð að það er einn þarna í þessum hópi sem er keimlíkur honum.

 

 

 

 

 

 

Poppgoð í kreppu

Gúgú og gaga

 

Getur verið að hljómsveitarmeðlimir Queen hafi verið með bandarísku söngkonuna Lady Gaga í huga- þegar þeir sömdu lagið Radio ga ga.  

 

 

 

 

Hvað skyldi systir hennar GÚ GÚ segja við þessu ? Eins og þið vitið væntanlega eru þær GÚ GÚ og GA GA alveg snaróðar þegar þær fara út að skemmta sér og mála bæin rauðan. 

 

Vill ekki nota sitt eigið nafn

strengjabrúðan

Stúlkan

 

Sjáið! hvað stúlkan hún stendur sig vel
sem strengjabrúðan hans
sem dásamlegi dansarinn
í draumi sérhvers mans

Sjáið! hvað gyðjan er glaðlind að sjá
sem gullið stofustúss
Djásn síns mans og stórstjarna
hans strengjabrúðuhúss

Hún er ljós
hún er flögtandi engill
hún er rós sem að nærist á ást
Hún er hlý
eins og hjartnæmur logi
vonar sem að lætur menn þjást

Sjáið! hvað stúlkan er eldheit af ást
elskar heitt sinn mann
Reynist honum uppfyllt ósk
uns hún kirkir hann

Sjáið! hvað heillin mín hugsar allt út
er hylmir sína slóð
Með látbrögðum hún leikur sig
lítið sorgmætt fljóð.

lag og texti Brylli 

<-Lagið er í spilaranum, numer 2 

 

 

 

Hamskiptin ógurlegu.

Hellisbúinn Brylli

 

 

Ég get brugðið mér í allra kvikinda líki. Stundum minni ég meira á strandaglóp sem hefur búið á eyðieyju alla sína hunds og kattartíð en nútímamann nokkurn tíman. Það mætti halda að ég sé "Bosníu hersóvkívíu" hershöfðingi á flótta undan lögum réttvísarinnar eða sé hrjáður af skærafælni. Það er stundum sem steinöldin hafi hent mér inn í nútímann og skilið mig þar einan eftir eins og hvæsandi ljón.

 

 

 

 

 

 

 

 

 

 

...Dr jekyl, mister Hyde...

 

Útlitið mitt er ámóta þversagnakennt og íslenska veðrið. Munurinn er jafn ólíkur og dagur og nótt, íslenskur vetur og íslenskt sumar, háflóð eða fjara.

 

 

 

 

 

 

 

 

 

 

 

 
Sænsk vinkona mín, sem er í heimsókn hjá mér í nokkra daga, snyrti örlítið á mér skeggið. (<----------- Lagið Diskó- Abba -dísin-mín er um hana í bloggdiskagræjunum mínum, lag numer 2) Það verður ekki annað sagt en að við raksturinn hafi útlitið á mér breyst lygilega mikið ? Ég lít ekki lengur út eins og Robinson Crusoe heldur er ég skyndilega farin að líkjast breskum handrukkara eða kvenlegum hommatitti. 

-Sjáðu hvað ég hef breyst bara við það að þú rakaðir örlítið á mér skeggið ? Sagði ég við vinkonu mína

-Já þetta er ótrúlegt ég hef aldrei séð neitt þessu líkt  

Svaraði vinkona mín með sænskum hreimi og átti ekki orð yfir breitingunni. 

 

 

 

..Ekki samt örvænta..

 

því

 

Ég hef ekkert breyst.

 

Eins og þið heyrið í þessu lagi

 

 

 

þá er ég alltaf jafn

 

 

 

Rómantískur

Kúrekinn ætlar ekkert að hætta olíufáksbrölti sínu í Afganistan.

 

Sumt virðist ekki breitast í þessari veröld grimdarinnar eins og þessi texti minn sýnir og sannar. Ég samdi textan um Goerge Bush á sínum tíma og hvernig heimsmálin litu út fyrir mér. Bandaríkin eru enn í sama brölti sínu í Afganistan og Írak undir fölskum forsendum. Hver heilvita maður veit að þetta er olíustríð en ekki til þess að uppræta hryðjuverkaógn.  

 Kúrekinn.

 

Sérð kúrekann í vestrinu með byssubelti í hendi

og bandarísku martröðina í hverjum sjónvarpssendi

misnotandi Jesú Krist og misnotandi skrílinn

marserandi í leitinni að olíu á bílinn 

En Kalli Rove..

Það er heilahvelið hans

þessa hryðjuverkamans

Sem býr til indíána úr araba og ógn úr hverju horni

andskota úr friðarsinna og bull úr visku korni

hann Kalli Rove

 

Kínakarlinn rís á bak við komanista merki 

og kúrekin er hræddur við hans miklu vaxtarverki

er sígur stóran skammt af sínu ofsatrúardópi

með soghljóðum í nösina með halleiajúlía hrópi

kúrekinn

hann hræðir bandaríska bjánann

hann brennir smánarblett á fánann

er sannfærður að hann sé sjálfur nafli himinsgeimsins

hafin yfir aðra menn og hungur þriðja heimsins

Kúrekinn

 

Og Kúrekin hann sólundar nú tindátunum sínum

með Samma frænda í veisluhaldi handa auðvaldssvínum

og Hitlerannir fjölflaldast og verða að forstjórunum

en friðsamlegu Jesúsannir enda á geðstofnunum

Kúrekinn

hann bjó til þúsund ára ríkið

hann er skratti í mannsins líki

með nýrri gerð af þinghúsbruna hann setti um sjónaspil

en síðan varist ógnvaldið sem hann bjó sjálfur til

Kúrekinn 

 

myndbandið við þetta lag er hér...

 

Lag og texti ..

Brynjar Jóhannsson. 

Framlengja dvöl í Afganistan

Fígúrur lífsgæðakapphlaupsins...

 

 Minni íbúð-

ódýrt vískí-

lítil innkaup

og hippakonur

 

Mig langar að votta skuldunautum vors lands samúð mína, með einlægri von um að þeir drukkni ekki ofan í skuldafeninu. Helst vildi ég að þeir nái að sigla milli skels á og báru í þessum ólgusjó íslensks efnahagslífs og að veski þeirra verði ekki tæmt í einni af ránsferðum verðbólgudraugsins.

-búúúúúúúú komdu með peninganna þína eða þú færð ekkert að borða -

Gamanið væri orðið einum of grátt ef skuldunautarnir eiga ekki fyrir innborgun á íbúðinni sinni og geta ekki leyft sér mikið meira en að bora í nefið.

 

Ég skal halda inni í mér hlátrinum

og láta naumhyggju-skoðun mína sem minnst í ljós.

 

 

Í stað gaspurs, sem er uppfullt af háðstónum, ætla ég að sýna ykkur ljóð við lag sem er af geisladisknum mínum Næstum því maðurinn en hann var gefin út 2004. Það ljóð fjallar um neysluhyggjubrjálæðið sem virðist ganga í erfðir frá manni til manns hér á íslandi.

 

Lagið er hér...Veldu hlustið og ýttu á lagnúmer 4 á geislaspilaranum

á heima síðu minni brylli.com. 

 

 

 

 

Fígúrur lífsgæðakapphlaupsins

Er klappstýra lífsgæða kapphlaupsins hvetjandi styður
sinn kappa sem bíður í rúmi að vekjarinn flauti
Þá Barbí er barinn en Ken hann er urðaður niður
með bókhaldareikningum lögmanns og gjaldkera tauti
grasasni tískunnar gulrætur sölumanns bryður
sem gráðugan Mammon í bæn sinni þrálátt tilbiður

og bjallan hún glymur og Súpermann setur skikkjuna
sem svífur af stað fellur strax ofan í valinn
og kúrekar viðskiptalífsins þeir berja í bikkjuna
sem ber þá af stað eins og eimreið um táradalinn
og konungur hégómans fellur í hengingarlykkjuna
og hrókur alls fagnaðar sekkur í alkahóldrykkjuna

steinrunnar verkalýðshetjunnar vakna úr dvala
sem vonast um bættari lífskjör í tvístraðri einingu
og karlinn í kotinu hleypur að verðbréfa sala
og kaupir sér hlut í íslenskri erfðargreiningu
snobbhænur lyfta upp nefi og lofthanar gala
er um lífsgæðakapphlaupsins ávinning byrja að tala

og lýðurinn glottir og kóngurinn vandar ei kveðjurnar
er karlinn í brekkunni skrattanum skemmtir með söngvum
og riddarar íhaldsins taka úr slíðrunum sveðjunnar
sem slá mót lágstéttar hermaurum hnöktandi í öngum
er skjaldbaka hversdagsins sporar nær spektlaus um leðjuna
einn sparigrís bætir við hlekkjum í verslunarkeðjuna

mig langar að þakka ákveðnum aðilum fyrir innblástur í þetta
fallega ljóð sem er ort til yfirborðskenndar íslenskrar þjóðarsálar en viðkomandi einstaklingar eru.
Barbí dúkkur með aflitað hár
prinsinn á hvíta porsinum
jakkaklæddir hvítflippar
tískufrík og barmellur
súkkulaðibrenndir líkamsræktartrukkar
módel með anoerexiu
íhaldið í öllum flokkum
menntahyskið aura púkar
snobbpíkur gáfnarembingspakk
og forstjórinn á flotta jeppanum

að lokum langar mér að segja eitt mikilvægt sannleikskorn,
en það er: fegurðin skiptir ekki máli heldur peningarnir

taka lán kaupa bíl kaupa hús vera í tísku veisla föt veisla meira meira meira
innrætið skiptir ekki máli heldur innrætið útlitið leikföngin og lífsstíllinn

Erfiðleikar hjá húskaupendum