Ég bið ekki um mikið...

Aðeins vextina af verðbréfum Landsbankans og flugfar með rellunni hans Björgólfs Thors þegar ég fer til útlanda. Ég hyggst ekki að leggja undir mig Evrópu enda er Ísland alveg nægur skerfur fyrir mig. Ég heimta ekki neitt nema 100% athygli af fólki þegar það talar við mig og þau sjái ekki sólina fyrir mér. Konan mín þarf ekki að vera neitt sérstakt merkiplagg, aðeins óaðfinnanleg gyðja sem leggur líf sitt í sölurnar fyrir mig. Í framtíðinni ætla ég mér ekki einu sinni að keyra um á bíl enda verður það hlutverk einkabílstjóra míns og Þess fyrir utan fer ég mínar leiðir fótgangandi eða á einkaþyrlunni minni. 

Eins og þið sjáið eru kröfur mínar ekki miklar til lífsins !  

 Fyrst það er hægt að gefa pening til góðgerðarmála afhverju er þá ekki hægt að gefa pening til mín ? Það væri hægt að setja upp söfununarbauk Brylla í hverri einustu 10-11 og Bónusverslun á landinu. Hugsjónafólk gæti verið með undirskriftalista sem er við hliðinni á unicief og armnesti á götum úti þar sem það segist bjóða fólki að gerast áskrifendur þar sem það getur gefið pening í Bryllasjóð svo ég geti átt fyrir bensíni í einkaþyrluna mína eða fyrir jakkafötum. Ef söfnunin myndi ganga illa væri hægt að ráða Handrukkara sem biðu fólki annað hvort puttabrot eða fimmhundraðkrónur í minn vasa. Einnig gæti alþingi sett á hóværan Bryllaskatt landsmenn sem krefur fólk um "aðeins" um eina krónu af tekjum allra landsmanna.

Ég er nú eftir allt saman miðdepill alheimsins og er svo stórmerkilegur að sólin snýst í kringum mig. Svo afhverju ætti fólk ekki að snúast í kringum mig líka ?

 
kærar kveðjur

DR BRYLL. 

 

Athugasemdir

[Ingunn Jóna Gísladóttir, 18.2.2008 kl. 22:54]

Brynjar minn, 3% skattalækkuninn hjá fyrirtækjunum ættu bara að renna beint til þín. Er það ekki ágætis byrjun???? Kær kveðja Ingunn

[Brynjar Jóhannsson, 19.2.2008 kl. 00:53]

jú ég myndi segja það jóna... það væri ágætis kjarabót...

fyrir mig

[Guðríður Pétursdóttir, 19.2.2008 kl. 02:00]

gjörðu svo vel þú átt þetta skilið

[Fríða Eyland, 19.2.2008 kl. 03:59]

Dásamlegt

[Lárus Gabríel Guðmundsson, 19.2.2008 kl. 04:33]

Brynjar: Mundu bara að deila hluta af ágóðanum með bernskuvini þínum Lárusi, þá verðu hann glaður og brosir og faðmar þig...

[Jónína Dúadóttir, 19.2.2008 kl. 05:55]

Mér finnst þetta bara mjög hógværar kröfur.... ég ætlaði að láta fylgja 5ooo kall með þessu en ýtti óvart of fljótt á "senda"

[Hulda (IP-tala skráð) 19.2.2008 kl. 11:59]

já þú segir nokkuð, ég held að þetta muni vera þannig að þú átt ekki eftir að sjá sólina fyrir konunni þinni, þú átt eftir að skríða á eftir henni og hún á eftir að njóta þess að hafa þig í vasanum

[Brynjar Jóhannsson, 19.2.2008 kl. 15:59]

Guðríður Þakka þér fyrir.. Ég átti þetta skilið..

Fríða ... Já dásamlegt eins og mitt hjartnæma eðli

Lárus .. þó það nú væri... ég kem endrum og eins í heimsókn á einkarellunni..

Jónína.. Þú sendir mér bara fimmhundrað krónur næst... sjöþúsund krónur komnar strax í vasann..

Gunnar.. Nei ekki í augnablikinu,, nema kannski daglegan gróða af einni bónusverslun.. þá væri ég sáttur..

Hulda ??? ... þá er nú eins gott að hún sé þyngdar sinnar virði í gulli. og gott betur en það..

[Anna Einarsdóttir, 21.2.2008 kl. 20:32]

Montrassgat.