Þegar raunveruleikinn kemur í heimsókn á mánudagsmorgni

Á þessháttar stundum - ráð eru rýr

 því- raunveruleikinn er geimstöðin Mír 

hann er vír

 sem veldur þér straumi 

 hann er brýr 

sem brenna í draumi 

 og ógnin sem enginn vill sjá...elsku hringaná

Á þessháttar stundum - rotnar hver rós 

 því raunveruleikinn er allt of heitt ljós

 hann er dós
 sem enginn vill opna 

 hann er drós 

Sem grípur til vopna 

 og-dapurleg úrhellisspá...elsku hringaná

á þessháttar stundum fjandinn er frjáls
og fegursta vonin er skorinn á háls

 Á þessháttar stundum er ráðvillan rör

 því raunveruleikinn er útrunnið fjör 

 hann er svör 

 Sem enginn vill vita

 hann er hjör

 Sem sker þig í bita 

og skepnan sem urrar þig á...Elsku hringaná

Á þessháttar stundum er rökkrið svo reitt

 og raunveruleikinn sem gæti þér eytt

 vill fá greitt 

og heimtar því borgun 

 hefur breytt
 sér í -mánudagsmorgun 
og sent þig á vanskilaskrá...elsku hringaná

Á þessháttar stundum er enginn til tals
Um tímann og vatnið og eiganda alls

Gúrkutíð

   Vitfirringin magnast - ekkert amar að

enginn virðist reiður - þó allt sé kolbrjálað

                  Umfjöllunarefni - á sér varla stað

             andrúmsloftið virðist - fremur afslappað

 

Augu fréttahauksins -samt sem áður sjá

   sundrungu í vændum- þó ekkert gangi á

             Ógnvekjandi skrýmsli - ímyndaða vá

         eymd sem er að koma - og leggja allt í dá

                                          líkt og dómsdagsspá

                                    hegðar sér sem heimskúlan

                                               muni bráðum springa

 

Átjánþúsund vindstig - samt er allt svo kyrrt

                  því sjónarhornið virðist veruleikafirrt

                 hringiða þess hefur - sannleiksmola syrt

                      sótað andartakið - og mannorð lítilsvirt

 

Lýsing fréttahauksins- er hlutdræg hugarsmíð

            heimsstyrjöld í smásjá - í miðri gúrkutíð

                      dramatík á sterum - óvæg orrahríð

                           orðahvirfilbylur - óþarft taugastríð

                                                       hrellir land og lýð

                                               hlífir þeim sem fæða hann

                                                        og gefa salt í grautinn

Fagurgalinn

Fagurgalinn starfar - við fölsun sannleikans
er fortíðinni breytir - á striga nútímans
strokar yfir depurð - málar myrkrið hvítt
Mýkir andlitsdrætti- gerir hatrið blítt

Sveipar dýrðarljóma- um sérhvert stundarkorn
Setur breyðu yfir - óhrein pokahorn
Með- penslaförum dregur -af sér dýrlingsmynd
Dæmir sig sem engil og neitar sinni synd

Fagurgalinn segir "framtíðin án mín
er- fölari en dauðinn og óbærileg sýn"
lofar því að komast -að rótum regnbogans
og ræta óskir þeirra - sem trúa lygum hans

Ætlar sér að tæla - með töfrasprotanum
tíuþúsund lausnir - úr pípuhattinum
með- einum fingrasmelli - brúa til mín bil
úr- brauði drauma sinna- sem er ekki til

Byggði mér blómlegt ríki

Byggði mér blómlegt ríki
úr brosi af vörunum þínum
ræktaði vonir úr engu
í eyðimörk eigins tóms
innan í unaðsgarði
á engi úr sólríkum órum
fauk eins og fjöður í gjólu
í fjötrum míns örlagadóms

Byggði mér blómlegt ríki
úr barnslegri einlægni þinni
návist þín fyllti mig friði
sem- fossaði um sálargil
bjóst mér til ból úr hlýju
sem- byrjun á eilífu vori
Í algleymi andartaksins
elskaði að vera til

Byggði mér blómlegt ríki
úr blíðlegu faðmlagi þínu
baðaðist rósum sem ringdi
á risóttan dagsins veg
uns - hvarfst inn í hvirfilvindinn
sem hvein inn í augunum þínum
hver - minning sem geislaði af gleði
varð grátlega óbær og treg

Herra óhugsandi

Herra óhugsandi

Draumurinn sem dvaldi í húsi mínu

var - dáleiðari af heimsins bestu gerð

með - friðarblóm í hippahári sínu

í heimsreisu á töfrateppaferð

Veruleiki hans var dáldið dreyminn

dagsins önn án raunsæs hyggjuvits

 var- einn af þeim sem vildi eignast heiminn

og -Allan heimsins auð - án nokkurs strits

þó hann væri hold þess sem ég þráði

Þá var gaurinn ekkert eins og ég

Íhaldssemi minni aldrei náði

og afhverju ég fór ekki hans veg

Átti hús- í ekki neinu landi 

við - yndisfagra strönd og aldingarð

Hann var nefndur herra óhugsandi 

hugarsýn sem ekkert meira varð

Sálarspegillinn

Sálarspegillinn

 

Ég er þinn sálarspegill-og sýni þig eins og þú ert

Svip þínum hermi því eftir -og öllu sem hefur mér gert

Opna þér nýjar víddir-sem lykill að leyndri hurð 

 og logandi kerti þess sanna -sem sýnir þinn hugarburð

Sérð þig í viðbrögðum mínum - og þegar ég felli þín tár

-þá verður bros mitt að klaka -kvölin sem stungusár

 -Skugginn í andliti þínu - napur sem næturkul

Nístandi óttinn þinn, úlfur - augun þín fjarlæg og dul

Ert eins og ótaminn hestur - í þér er innri rödd

sem ílfrar af skjálfandi hræðslu - aldrei er róleg og södd

Ef -sérð þig í augunum mínum- fokið í sjálfri þér flýrð

felur þig innan í helli - Sviplega undan mér snýrð

Ég er þinn sálarspegill - án þín ég er ekki neitt

Eingöngu tilgangslaus munur - sem elskar þig enn þá svo heitt

Félagi stalín

Lagið er að finna á þessum link hér 



Félagi Stalín 

- hve sárt ég sakna þín

Syrgi þína fjarveru er morgunsólin skín

Félagi Stalín

- þú átt mig alltaf að

Í anda minna hugsjóna og djúpt í hjartastað

 

Með - Kalasnikoff

tökum yfir heiminn

Kalasnikoff

Í okkar sáttarhönd

Kalasnikoff

með vodgabragð í munni

kalnasnikoff

sigrum heimsins lönd 

Kalnastikoff

með stalínískum aga

Kalnastikov

Í Frelsiskúlnahríð

 Kalnastikov

Byltingin mun hefjast

Kalnastikov

heyjum sérhvert stríð

 

Félagi stalín - 

Við - sigrum heiminn senn

Sovétríkin rísa upp og frelsa alla menn

Félagi Stalín

 -ef ætti óskalind

Endurbyggi samfélag að þinni fyrirmynd


Njótið áheyrnarinnar. 

Blést

 

 

Blést

blést

blést 

Dróst þig í dökkleitan skuggann

dómgreindin fauk út um gluggann

og þú grést 

 

Blést

blést

 blést 

Væntingar huga þíns hrundu

að hryggri og rykugri grundu 

og þú grést

 

Blést

blést

 blést 

Jafnvel þó allt hafði oltið 

alltaf samt ríghélst í stoltið

og þú grést

 

Blést

blést

blést

Villt eins og vindur á heiði 

og vofa sem ýlfrar við leiði

og þú grést

 

Siðblindrahundurinn og eigandinn.

 

Voff Voff Voff - gelti siðblindrahundurinn og beit eigandann sinn. Hundinum var greinilega mjög heitt í hamsi og var búinn að missa þolinmæðina.

"Áááááááá.. hvað gerði ég eiginlega á mér núna" ? spurði eigandinn hundinn því eins og alltaf "sá" hann ekki neitt siðlaust við gjörðir sínar".

Siðblindra hundurinn urraði aftur til hans og gelti síðan setningu til hans á hundamáli sem þýðist á íslensku -

"Fyrst rændir þú banka, skaust síðan frænda þinn, nauðgaðir tveimur rollum. Ég gat umborið þetta allt en þegar þú fórst að dilla þig við Justin bieber og mærðir sterapungsdanshljómsveina Scooter - þá fórstu yfir öll mörk og ég varð að bíta þig.

Auguljós sálfræðihernaður

Steven Gerrard er með áhyggjur af litlu úrvali af enskum fótboltamönnum fyrir Evrópumeistaramótið í ár. Um hvað er maðurinn eiginlega að tala ? Enska landsliðið er eitt það besta í heiminum um þessar mundir. Það er með miðjumenn eins og Brian Robsson og Keven Kegan innan sinna vébanda og varnarjaxlana Vinnie Jones og Tony Adams. Varamannabekkurinn er einn sá sterkasti í heiminum. Með menn eins og Paul Gasgoine- John Barnes og Peter Beardsley. Þetta eru allt leikmenn á hátindi ferilsins og það má sanni segja að Evrópumeistaratitillinn verður þeirra í ár- nema eitthvað ótrúlegt gerist. 

Svona sálfræðihernaður er einum of augljós 

Gerrard reiður